Gujarati News

Gujarati News

News of Saturday, 31st October 2020

ચોટીલાની સીમમાં કૂવામાંથી યુવાનની કોહવાયેલી લાશ મળી

અજાણ્યા શખ્સની હત્યા કે આત્મહત્યા અંગેનું રહસ્ય

વઢવાણ, તા.૩૧: ચોટીલા રાજકોટ હાઈવે ઉપર નાની મોલડી નજીક કૂવામાંથી શંકાસ્પદ હાલતમાં કોહવાયેલ પુરૂષની લાશ મળતા ચકચાર ફેલાયેલ છે. પ્રાપ્ત વિગતોનુસાર આપા ગીગાના ઓટલા સામે આવેલ પાણીના કુવામાં પુરૂષનો મૃતદેહ હોવાની જાણ થતાં પોલીસ ઘટના સ્થળે દોડી ગયેલ હતી. લોકોની મદદથી લાશને બહાર કાઢી પી.એમ. માટે ખસેડેલ હતી.

પ્રાથમિક તપાસમાં મરનારની પ્રથમ દ્રષ્ટિએ કોઈ ઓળખ પુરાવાઓ મળેલ નથી. જયારે લાશની હાલત જોતા એકાદ વીક પહેલા ગુજરનાર મોતને ભેટેલ હશે તેવું જણાય રહેલ છે. મરનારે કાળા જેવું પેન્ટ અને ભૂખરા કલર્સ જેવો શર્ટ પહેરેલ છે. ત્યારે પોલીસ માટે મરનાર કોણ છે ? કેવી રીતે મોતને ભેટયો, સતત અવર જવર વાળા હાઈવે ઉપર આટલા દિવસ સુધી કુવામાં લાશ હોવાની ગંધ કેમ ન આવી ? અકસ્માત, આપદ્યાત કે અન્ય કંઈ ? જેવી બાબતો તપાસના વિષય છે.શંકાસ્પદ હાલતમાં મળેલ લાશ ફોરેન્સિક પીએમ રાજકોટ ખસેડાયાનું જાણવા મળે છે વધુ તપાસ એએસઆઈ જયેશભાઈ પટેલ ચલાવી રહ્યા છે.

(11:20 am IST)
  • રાજ્યના અધિક મુખ્ય સચિવ સંગીતા સિંઘ આજે વયમર્યાદાના કારણે ગૃહ વિભાગમાંથી નિવૃત્ત થતા સરકારે તેમને રાજ્યના વિજીલન્સ કમિશનર તરીકે નિમણુંક આપી છેઃ અત્યાર સુધી આ જગ્યાનો વધારાનો હવાલો તેમની પાસે હતોઃ સંગીતા સિંઘને લાગુ પડતો વિગતવાર હૂકમ હવે પછી થશે access_time 5:11 pm IST

  • વડાપ્રધાન શ્રી નરેન્દ્ર મોદી આવતીકાલ 1 નવેમ્બરના રોજ બિહારના પ્રવાસે : છપરા , સમસ્તીપુર ,પૂર્વ તથા પશ્ચિમ ચંપારણમાં ચૂંટણી સભા સંબોધશે : મુખ્યમંત્રી નીતિશકુમાર ,તથા જેડીયુ રાષ્ટ્રીય અધ્યક્ષ સાથે જોડાશે : પોલીસ ડિપાર્ટમેન્ટ ,બોમ્બ નિરોધક સ્ક્વોડ ,સહિતની ટિમો સુરક્ષા માટે સંપૂર્ણ સજ્જ access_time 8:31 pm IST

  • ભારતના પૂર્વ વડાપ્રધાન શ્રીમતી ઇન્દિરા ગાંધીની આજ 31 ઓક્ટોબરના રોજ પુણ્યતિથિ : 1984 ની સાલમાં હત્યા થઇ હતી : વડાપ્રધાન શ્રી નરેન્દ્ર મોદીએ શ્રદ્ધાંજલિ પાઠવી access_time 12:36 pm IST