Gujarati News

Gujarati News

News of Monday, 30th November 2020

ભાવનગરમાં અવાવરૂ જગ્યામાં કન્ટેનર ટ્રકમાંથી દારૂ સહિત ૨૫ લાખની માલમત્તા જપ્ત

(વિપુલ હિરાણી) ભાવનગર તા. ૩૦ : ભાવનગરમાંથી પોલીસે વિદેશી દારૂ ભરેલ કન્ટેઇનર ટ્રક ઝડપી લઇ રૂ ૨૫ લાખની માલમત્તા કબ્જે કરી આઠ શખ્સો વિરૂધ્ધ ફરિયાદ નોંધી છે.

પ્રાપ્ત વિગતો મુજબ ભાવનગર ડી-ડીવીઝન પોલીસ પેટ્રોલીંગમાં હતી ત્યારે શહેરના ચિત્ર જીઆઇડીસી નવદુર્ગા ઇન્ડસ્ટ્રીઝ પાછળ રેલવેના પાટા નજીક અવાવરૂ જગ્યાએ શંકાસ્પદ હાલતમાં રહેલા કન્ટેઇનર ટ્રક નં. જીજે૦૪ડીજી-૦૦૫૦ની તલાશી લેતા ટ્રકમાંથી વિદેશી દારૂની બોટલ નં. ૪૭૧ કિંમત રૂ ૨૦૬૬૪૦ અને ટ્રક મળી કુલ રૂ ૨૪૭૪૬૪૦ની મત્તા કબ્જે કરી આ અંગે દિગપાલસિંહ ઉર્ફે કુમારભાઇ, શરદ લીમ્બાભાઇ ચાવડા, જયદિપસિંહ રેવતસિંહ ગોહિલ, જગદીશ ઉર્ફે માંદો, નાગજીભાઇ ઓઘળભાઇ રબારી, ભરતભાઇ અને બે અજાણ્યા શખ્સો વિરૂધ્ધ ડી-ડીવીઝન પોલીસ સ્ટેશનમાં ફરિયાદ નોંધી હતી.

આ અંગેની તપાસ પી.આઇ. એમ.ડી. મકવાણા ચલાવી રહ્યા છે.

(10:36 am IST)
  • શ્રીલંકાની રાજધાની કોલંબો નજીક આવેલી જેલમાં પુરાયેલા 175 કેદીઓ પૈકી 19 કોરોનાથી સંક્રમિત : જેલનો દરવાજો ખોલી નાખી કેદીઓએ ભાગવાની કોશિષ કરી : રસોડામાં અને રેકર્ડ રૂમમાં આગ લગાડી દીધી : જેલ અધિકારીઓ સાથે ઝપાઝપી દરમિયાન 8 કેદીઓના મૃત્યુ : જેલ અધિકારી સહીત 37 ઈજાગ્રસ્ત access_time 7:24 pm IST

  • મોડર્ના વેકસીન ૧૦૦℅ સફળ: અમેરિકન કંપની મોડર્નાની કોરોનાવાયરસ રસી ગંભીર કોરોનાવાયરસ ચેપ સામે 100% ની અસરકારકતા દર્શાવતી હોવાનું જાહેર થયું છે. access_time 8:51 pm IST

  • વલસાડ : અચ્છારી નવીનગરી પાસે આવેલ દમણગંગા નદીના પટ્ટ પાસેથી આશરે ૭૦ જેટલી ફૂટેલી કારતૂસના ખાલી ખોખા મળી આવતા ચકચારઃ હજુ વધુ ખાલી ખોખા અને હથિયારો હોવાની શકયતાના આધારે પોલીસ તપાસ ચાલુ: છેલ્લાં ત્રણ દિવસથી ઍક મારૂતિ વાન અને અજાણ્યા બાઇક ચાલક રાત્રીના સમયે શંકાસ્પદ ફરી રહ્ના હોવાની ચર્ચા access_time 11:47 am IST