Gujarati News

Gujarati News

News of Thursday, 29th October 2020

ચોટીલા કાઠી સમાજે આવેદન પાઠવ્યું

પોલીસે રાજકીય ઇસારે કાર્યવાહી કર્યાની રજુઆત

ચોટીલા તા.૨૯ બાબરા ગામે કાઠી યુવાનને ખોટા ગૂનામાં ફીટ કરી પોલીસે અત્યાચારના આક્ષેપ સાથે ચોટીલા કાઠી સમાજે પ્રાત અધિકારીને આવેદન આપી અમરેલી પોલીસ સામે પગલા લેવા માંગ કરી છે

આવેદન પત્રમાં જણાવ્યું છે કે ગત તા. ૧૧/૧૦નાં બાબરા હાઇવે ઉપર સ્પીડ બ્રેકર બનાવવાની માંગ અકસ્માતમાં મૃત્યુ પામેલ પરિવારને સાથે રાખી કરવા ગજેન્દ્રભાઇ શેખવા સહિતનાં લોકો એકત્ર થયેલ જેઓને કોઇ ખાનગી કારણોસર કે કોઇ રાજકિય ઇસારે બાબરા પોલીસે અટક કરી રાખેલ બાદમાં બાબરા પીઆઇ દ્વારા કોઇ કારણ વગર અમરેલી લઇ ગયેલ જયાં એસપી દ્વારા યુવાનો ઉપર શારીરિક અને માનસિક ત્રાસ આપી જોહુકમી કરવામાં આવેલ

ગજેન્દ્રભાઇ શેખવા બાબરાના સામાજીક આગેવાન છે. આઠ દશ વર્ષ થી જીવદયા તથા ગૌ રક્ષાની કામગીરી કરે છે. આવા યુવાનોને બંદુક અને ધોકા પકડાવી ફીંગર પ્રીન્ટ લઇ અત્યાચાર ગુજારેલ

શેખવા દ્વારા વિડીયો જાહેર કરી તેઓની આપવીતી જાહેર કરી પોલીસ આવી જો હુકમી ચલાવી નિર્દોષ ને ફસાવશે તો રાજયમાં કોઇ સામાજીક કાર્ય કરી શકશે નહી લોકશાહીમાં અધિકાર માંગવા એ બંધારણીય અધિકાર છે જેથી આવા અધિકારી સામે સખ્ત પગલા લેવા માંગ કરી છે.

(11:33 am IST)
  • અમિતભાઈ શાહે ફોન કરી કેશુભાઈ પરિવારજનોને સાંત્વના પાઠવી : કેન્દ્રીય ગૃહમંત્રી અમિતભાઈ શાહે કેશુભાઈ પટેલના પરિવારજનોને ફોન કરી શોક વ્યકત કરતાં કહ્યું કે કેશુભાઈએ તેનું સમગ્ર જીવન ગુજરાતની જનતાની સેવામાં સમર્પિત કર્યુ હતું. તેમના પરિવારજનોને સાંત્વના પાઠવું છું. access_time 4:01 pm IST

  • દિલ્હીમાં એર પોલ્યુશન સર્જનાર માટે જેલ અને જંગી દંડની જોગવાઇ: દિલ્હીનું હવામાન નિરંતર બદતર બનતું જાય છે ત્યારે દિલ્હી એનસીઆરમાં એર પોલ્યુશન માટે નવો કાયદો અમલમાં આવી રહ્યો છે. જેમાં હવાનું પ્રદૂષણ સર્જનાર માટે પાંચ વર્ષ સુધીની જેલની સજા અને એક કરોડ રૂપિયાના દંડની જોગવાઈ કરવામાં આવી છે. access_time 11:38 am IST

  • મધ્ય પ્રદેશ પેટા ચૂંટણી : મહેંગાવમાં પ્રચાર માટે ગયેલા ભાજપના ફાયર બ્રાન્ડ નેતા ઉમાભારતીની સભામાં ખુરસીઓ ખાલી : સભાના સ્થળથી 25 કિલોમીટર દૂર હેલીકૉપટર ઉતરતા સ્થળ ઉપર પહોંચવામાં મોડું થયું : ગુસ્સે થઇ ભાષણ આપ્યા વિના પરત ફર્યા access_time 1:55 pm IST