Gujarati News

મોરબીમાં આજે ટ્રક ટ્રાન્સપોર્ટ એસોની ઓફીસનું ઉદ્ઘાટન રાજ્યના મંત્રી વાસણભાઈ આહીરના હસ્તે કરવામાં આવ્યું હતું જે પ્રસંગે રાજસ્થાનના ધારાસભ્ય બિહારીલાલ બિશ્નોઈ સહિતના મહાનુભાવો ઉપસ્થિત રહ્યા હતા

  ઉદ્ઘાટન ઉપરાંત અખિલ ગુજરાત ટ્રક ટ્રાન્સપોર્ટ એસોની કારોબારી પણ યોજાઈ હતી જે વેળાએ ઉપસ્થિત રહેલા મંત્રી વાસણભાઈ આહિરે જણાવ્યું હતું કે કોરોના મહામારીના સમયમાં ટ્રાન્સપોર્ટરોએ પણ દવાથી લઈને વિવિધ જરૂરી ચીજવસ્તુઓ પહોંચાડવા યોગદાન આપ્યું હોય જે કામગીરીને બિરદાવવા માટે કારોબારીમાં ઠરાવ કરવામાં આવ્યો હતો તે ઉપરાંત કેન્દ્ર સરકારની સ્ક્રેપ પોલીસીના વખાણ કરી પ્રદુષણ રોકવા સરકાર ચિંતા કરતી હોય અને યોગ્ય કદમો ઉઠાવતી હોવાનું જણાવ્યું હતું
જયારે રાજસ્થાનના ધારાસભ્ય બિહારીલાલ બિશ્નોઈએ જણાવ્યું હતું કે ટ્રાન્સપોર્ટના વ્યવસાય સાથે વર્ષો સુધી જોડાયેલા રહેલા વાસણભાઈને ગુજરાત સરકારમાં સ્થાન અપાયું જેઓએ ટ્રાન્સપોર્ટ વ્યવસાયના વિકાસ માટે સાર્થક કદમો ઉઠાવ્યા છે તો મોરબી સિરામિક ઉદ્યોગના વખાણ કરીને રાજસ્થાનથી રો મટીરીયલ્સ આવતા હોય જેનું ટ્રાન્સપોર્ટશન મોટા પાયે થતું હોય અને રાજસ્થાનનો ટ્રાન્સપોર્ટ વ્યવસાય મોરબીના સિરામિક ઉદ્યોગને કારણે વધુ વિકસ્યો હોવાનું જણાવ્યું હતું
 જે પ્રસંગે સાંસદ મંત્રી વાસણભાઈ આહીર, રાજસ્થાનના ધારાસભ્ય બિહારીલાલ બિશ્નોઈ ઉપરાંત સાંસદ મોહનભાઈ કુંડારિયા, પૂર્વ ધારાસભ્ય કાન્તીભાઈ અમૃતિયા, સહિતના અગ્રણીઓ ઉપસ્થિત રહ્યા હતા.