Gujarati News

Gujarati News

News of Wednesday, 26th June 2019

રિચાર્જ બેલેન્સની લાલચ આપીને લોકો સાથે છેતરપીંડી કરનાર હરિયાણાનો અબ્દુલ રાયન ઝડપાયોઃ જુનાગઢ એસઓજીને સફળતા

જુનાગઢ તા. ર૬: રીચાર્જ બેલેન્સની લાલચ આપી લોકો સાથે ફ્રોડ કરતા હરિયાણા શખ્સની જૂનાગઢ એસઓજીએ ધરપકડ કરી મોટી સફળતા મેળવી છે.

જૂનાગઢના જીતેશ દયારામ ભણશાળી વગેરે વ્યકિતઓ સાથે રૂ. ૬ લાખથી વધુની રકમનો ઓનલાઇન ફ્રોડ થયાની સી-ડીવીઝન પોલીસ સ્ટેશનમાં ફરિયાદ થઇ હતી. રીચાર્જ બેલેન્સ મેળવવાની લાલચમાં આ લોકોએ નાણા ગુમાવ્યા હતા.

ઓનલાઇન ફ્રોડના બનાવો ઉકેલવા આઇજીપી સુભાષ ત્રીવેદી અને એસ.પી. સૌરભસિંઘે સુચના જારી કરતા એસઓજીના પીઆઇ જે. એમ. વાળા અને નેકનીકલ સેલના પીએસઆઇ એમ. જે. કોડીયાતરની અલગ-અલગ ટીમ બનાવવામાં આવી હતી.

ઓનલાઇન ફ્રોડ અંગે મળેલી માહિતીના આધારે પીએસઆઇ વાઢેરને હરિયાણા મોકલવામાં આવેલ અને હરિયાણાના ફરીદાબાદ ખાતેથી અબ્દુલ અહેમદ રાયનની ધરપકડ કરી હતી.

આ શખ્સે પુછપરછમાં પોતાની વેબસાઇટ બનાવી રીચાર્જ બેલેન્સ અંગેના ગ્રાહકો ઉભા કરી જેનું રીચાર્જ અંગેનું બેલેન્સ વધારે પડતું થાય ત્યારે વેબસાઇટ બંધ કરી આ બેલેન્સ પડાવી લેવામાં આવતું હતું અને બાદમાં બીજી નવી વેબસાઇટ બનાવી ગ્રાહકો સાથે છેતરપીંડી આચરતો હતો.

અત્યાર સુધીમાં હરિયાણાના આ શખ્સે જૂનાગઢ ઉપરાંત રાજકોટ, પોરબંદર અને અન્ય રાજયોના ગ્રાહકો સાથે છેતરપીંડી આચરી હોવાનું પુછપરછમાં ખુલ્યું છે.

આ કામગીરીમાં એસઓજીના અસરફભાઇ, રઘુવીરસિંહ, મહેન્દ્રભાઇ કુવાડીયા, પુંજાભાઇ ભારાઇ, રાજેશ ઉપાધ્યાય એચ. કે. પીઠીયા વગેરે રોકાયા હતા.

(3:33 pm IST)
  • નરેન્દ્રભાઇ આવતીકાલથી ત્રણ દિવસ જાપાનના પ્રવાશે : G-20 શિખર સંમેલનમાં પીએમ મોદી આપશે હાજરીઃ ૨૭ થી ૨૯ જુન સુધી જાપાનના ઓસાકામાં યોજાશેઃ સંમેલન અમેરીકાના ડોનાલ્ટ્ર ટ્રમ્પ સાથે મુલાકાત કરશેઃ રશીયા, ચીનના રાષ્ટ્રપતિ સાથે પણ મુલાકાત કરશે નરેન્દ્રભાઇ access_time 1:09 pm IST

  • બેંકોને ચુનો ચોપડનાર સંદેસરા બંધુઓ સામે ઇડીનીકાર્યવાહીઃ૯૭૭૮કરોડની પ્રોપર્ટી જપ્ત : નવી દિલ્હીઃ બેંકોના ૮૧૦૦ રૂપીયા ચાંઉ કરી જનાર વડોદરાના ઉદ્યોગપતિ સંદેસર બ્રધર્સ વિરૂધ્ધ ઇડીએ ધોકો પછાડયોઃ ૯૭૭૮ કરોડની સંપતિ જપ્ત કરીઃજેમાં લંડનમાં મોજુદ પ્રોપર્ટી અને પ્ેલેન પણ સામેલ છેઃ બંને ભાઇ ચેતન-નીતીન ફરાર છેઃ રેડકોર્નર નોટીસ જારી થઇ છે access_time 4:22 pm IST

  • ઇરાનના કોઇપણ હુમલાનો જડબાતોડ જવાબ મળશે : અમેરિકા access_time 4:23 pm IST