Gujarati News

Gujarati News

News of Saturday, 26th May 2018

ધ્રાંગધ્રામાં લૂ થી ગ્રામરક્ષક જવાન અને બાળકનું મોત

ગરમીએ ઝાલાવાડમાં હાહાકાર મચાવ્યોઃ રણ વિસ્તારના કારણે ગરમીમાં સતત વધારો

વઢવાણ, તા. ર૬ :. સુરેન્દ્રનગર જીલ્લામાં ગરમીએ હાહાકાર મચાવ્યો છે. કાલે ધ્રાંગધ્રામાં 'લૂ' લાગવાથી ર વ્યકિતના મોત થતા અરેરાટી વ્યાપી ગઇ છે.

સમગ્ર રાજ્યમાં જયારે કાળઝાળ ગરમી પડી રહી છે ત્યારે સુરેન્દ્રનગર જિલ્લામાં સૌથી વધુ તાપમાન નોંધાઈ રહ્યુ છે ત્યારે ધ્રાંગધ્રા તાલુકામા બે અલગ અલગ બનાવમાં એક સાત વર્ષના બાળક તેમજ એક ગ્રામ રક્ષક દળના જવાનનું મોત નિપજવાની ઘટના બહાર આવેલ છે.

ધ્રાંગધ્રા તાલુકાના વાવડી ગામે રહેતા અને ખેત મજુરી કરી પરિવારનું ગુજરાન ચલાવતા રાયમલભાઈ આદિવાસીના સાત વર્ષના પુત્ર રાહુલને ગરમીમાં ચક્કર આવતા બેભાન અવસ્થામાં સારવાર માટે ખસેડવામાં આવ્યા બાદ બેભાન હાલતમાં રાહુલનું મોત નિપજતા ફરજ પરના ડોકટરે રાહુલને મૃત જાહેર કરેલ હતો. જે અંગેની જાણ રાહુલના માતા સુરંગીબેને પોલીસને કરેલ હતી.

જયારે બીજા બનાવમાં ધ્રાંગધ્રાના રામગય ગામે રહેતા અને જી.આર.ડી. (ગ્રામ્યરક્ષક) દળના જવાન દિપકભાઇ જગજીવન ભાઇ છાસીયા લગ્નપ્રસંગે મેથાણ ગામે ગયા હતા.

જે દરમ્યાન રાત્રીના લગ્ન સમયે લુ લાગતા સારવાર માટે લઇ જવાયા હતા જયા રાત્રીના મોત નિપજેલ હતું.

ગામના રહેવાસી વાલજી ભાઇ પુંજાભાઇ તાલુકા પાલીસ મથકે જાણ કરી આપી ફરીયાદ નોંધાવેલ આમ ધ્રાંગધ્રામાં સપ્તાહમાં ત્રણના મોત અને સુરેન્દ્રનગર જિલ્લામા ગરમીમાં સપ્તાહમાં છના મોત નિપજયા ની ઘટના બનવા પામેલ છે.(૨.૧૩)

(12:41 pm IST)
  • અમરેલી જિલ્લાના ઢાઢાનેશ વિસ્તારમાં વન કર્મચારી ઉપર સિંહનો હુમલોઃ ચાંચઇપાણીયા રેન્જ વિસ્તારમાં બિમાર સિંહની તપાસ કરવા જતાં સિંહ હુમલો કરીને નાસી છુટ્યોઃ ઇજાગ્રસ્ત વન કર્મચારી સારવારમાં access_time 2:32 pm IST

  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST