Gujarati News

Gujarati News

News of Saturday, 26th May 2018

ગોંડલમાં યુવકોને અર્ધનગ્ન કરીને ઢોર માર મારવાની ઘટનામાં ભાજપના નેતા ભુપત ડાભી સહિતના સામે ફરિયાદ

ગોંડલઃ  રાજકોટ જિલ્લાના ગોંડલ શહેરમાં ગુરુવારે લોકોએ બે યુવાનોને નગ્ન કરી, બેરહેમી પુર્વક જાહેરમાં ઢોર માર માર્યો હતો. આ બંને યુવકો પર એવો આરોપ લગાવવામાં આવ્યો હતો કે, આ યુવાનોએ અભદ્ર ભાષાનો પ્રયોગ કરેલા સ્ટીકરો માંધાતાની પ્રતિમા પર લગાવ્યાં હતા અને કથિત રીતે કોળી સમાજની લાગણી દુભાઇ હતી.

આ યુવાનોને ટોળા જે રીતે માર માર્યો હતો એ જોતા ભલભલા માણસોના રુંવાડા ઉભી થઇ જાય. ગોંડલની આ ઘટનાએ ફરીવાર ગુજરાતમાં ગરીબ અને સામાન્ય માણસમાં ડર બેસાડી દીધો કે, ટોળું તમારો ગમે ત્યારે જીવ લઇ શકે છે. ટોળાને માત્ર શંકાની જ જરૂર છે.

ગુજરાતમાં સામાન્ય માણસની હાલત ગંભીર બનતી જાય છે જ્યાં ટોળાશાહી ગમે ત્યારે લોકોને રહેંસી નાંખે છે. આ અંગે વિરોધ પક્ષનાં નેતા પરેશ ધાનાણીએ રાજ્ય સરકાર પર આકરા પ્રહારો કરતા કહ્યું કે, ગુજરાતમાં કાયદો અને વ્યવસ્થા જેવું કશું છે જ નહીં.

લોકોએ બેરહેમીથી માર માર્યા બાદ ગોંડલમાં આ બંનેને નગ્ન કરી તેમનું સરઘસ કાઢ્યું હતું. લોકોએ આ બંને યુવાનોની હાલત અંત્યત દયનીય બનાવી દીધી હતા. આખાય ગોંડલમાં આ વાત ફેલાઇ પણ પોલીસ ફરકી પણ નહીં અને આ યુવાનોને ટોળાશાહીથી બચાવ્યા પણ નહીં.

જો કે, ઘટનાની ગંભીરતા વધતા, પાછળથી પોલીસ આ બંને યુવાનોને દવાખાને લઇ ગઇ હતી. મામલો વદારે ચગે એવી સ્થિતિ લાગતા ના છૂટકે ગોંડલ પોલીસે ફરિયાદ નોંધી તપાસ હાથ ધરી છે.

ગોંડલ પોલીસે આઠ લોકો સામે ફરિયાદ નોંધી છે. આ ફરિયાદમાં એવુ નોંધ્યુ છે કે, આ યુવાનોએ કોળી સમાજનાં ઇષ્ટદેવ માંધાતાની પ્રતિમા પર ગોંડલ પોલીસ સ્ટેશનના કર્મચારી નરેન્દ્રસિંહ જાડેજા વિરુદ્ધ ખોટા આક્ષેપ વાળા સ્ટીકરો લગાવતા સમાજની લાગણી દુભાઇ હતી અને આરોપીઓ તેમને માર માર્યો હતો.

(5:26 pm IST)
  • અમરેલી જિલ્લાના ઢાઢાનેશ વિસ્તારમાં વન કર્મચારી ઉપર સિંહનો હુમલોઃ ચાંચઇપાણીયા રેન્જ વિસ્તારમાં બિમાર સિંહની તપાસ કરવા જતાં સિંહ હુમલો કરીને નાસી છુટ્યોઃ ઇજાગ્રસ્ત વન કર્મચારી સારવારમાં access_time 2:32 pm IST

  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • સુરતમાં કતલખાને લઈ જવાતા ગાય-વાછરડાને બચાવાયાઃ ગૌરક્ષકો ઉપર હુમલો : માંડવીમાં ગૌરક્ષકોએ એક વાનમાં લઈ જવાતા ગાય વાછરડાઓને છોડાવ્યા : તાપીના વલોડની ગાય વાછરડાને લઈ જવાતા હતા ત્યારે ઝડપી લેતા કસાઈઓએ ગૌરક્ષકો ઉપર હુમલો કર્યો access_time 7:07 pm IST