Gujarati News

Gujarati News

News of Friday, 26th April 2019

તાલાલા યાર્ડમાં આ વખતે કેરીની હરરાજીનો ર 'દિવસ મોડો પ્રારંભ

પ મે એ હરરાજી શરૂ થયા બાદ બજારમાં કેરીની ધોમ આવક થશે

તાલાલા તા.ર૬: ગીર સોમનાથ જિલ્લાના તાલાલા યાર્ડમાં તા. પ મે થી કેરીની હરરાજી શરૂ થયા બાદ માર્કેટમાં કેરીની ધોમ આવક શરૂ થશે.ગયા વર્ષે તાલાલા યાર્ડમાં ૩જી મેના દિવસથી હરાજી શરૂ થઇ હતી. આ વખતે બે દિવસ મોડી હરાજી થશે. તાલાલા યાર્ડમાંથી પ્રાપ્ત વિગતો પ્રમાણે ગયા વર્ષે ૪૨ દિવસ સુધી કેરીની સ્ીઝન ચાલી હતી. આ દરમિયાન યાર્ડમાં કુલ મળીને ૮.૩૦ લાખ બોકસ વેચાણ માટે આવ્યા હતા. એક બોકસનો સરેરાશ ભાવ રૂ. ૩૧૦ લેખે ખેડૂતોને મળ્યો હતો. કેસરનો ભાવ ખેડૂતોને સારો મળતા ઉત્સાહ પણ વધ્યો હતો.જો કે આ વર્ષે કેસરનો પાક ઓછો દેખાય છે. સીઝનના આરંભે પાકને ઠંડી સાથે વારંવાર થતા વાતાવરણના ફેરફારોનો સામનો કરવો પડયો હોવાથી કેરીના બંધારણને ભારે નુકશાન થયું છે. આગોતરો પાક લગભગ બધે નિષ્ફળ ગયો છે. જો કે પાછોતરો પાક છે તે ય ઓછો છે. કિસાનોની અપેક્ષા કરતા ઓછો પાક દેખાઇ રહ્યો હોવાથી ભાવ ઉંચા રહે તેમ છે.કેસરનો પાક કેટલો થશે અને સીઝન કેટલા દિવસ ચાલશે. તે હરાજી શરૂ થયાં પછી જાણવા મળી શકે છે. કેરીના ભાવ પણ કદાચ ઉંચા રહે તેવું પૂર્વાનુંમાન છે. ખેડૂતો અને વેપારીઓને નવી સીઝનની હરાજીમાં તકલીફ ન પડે તે માટે પુરતી વ્યવસ્થા કરી લેવામાં આવી છે.

(11:41 am IST)
  • વાવાઝોડુ 'ફાની' શ્રીલંકા બાદ તામિલનાડુમાં ત્રાટકશે : વાવાઝોડુ 'ફાની' શ્રીલંકા તરફ આગળ વધ્યા બાદ ઉત્તર પશ્ચિમ, તામિલનાડુની દિશાએ આગળ વધશે ત્યારબાદ તેનો ટ્રેક ચેન્જ થઈ આંધ્રના દરિયાઈ કાંઠાના વિસ્તારોમાં ત્રાટકશે તેમ હવામાનની એક ખાનગી સંસ્થાએ જણાવ્યુ છે. access_time 4:07 pm IST

  • ભરૂચ ક્રાઇમ બ્રાન્ચે પાલેજમાં જુગાર રમતા 11 આરોપીની કરી ધરપકડ:રૂપિયા 60,550નો મુદ્દામાલ જપ્ત કરાયો access_time 9:09 pm IST

  • પાકિસ્તાન ઈચ્છે છે કે મોદી પીએમ બને કારણ કે બંને દેશોમાં સાંપ્રદાયિકતા વધે ;સીતારામ યેચુરીનું વિવાદી નિવેદન :સીપીએમના મહાસચિવ યેચુરીએ કહ્યું કે પાકિસ્તાની પીએમ ઇમરાનખાને કહ્યું હતું કે જો ભારતમાં ભાજપ ચૂંટણી જીતશે તો શાંતિવાર્તા કરવા અને કાશ્મીર મુદ્દો ઉકેલવાનો ઉત્તમ અવસર ઉપલબ્ધ થશે access_time 1:15 am IST