Gujarati News

Gujarati News

News of Thursday, 26th March 2020

હરિદ્વારમાં ફસાયેલા ૩૦૦થી વધુ યાત્રિકો ગુજરાત આવવા રવાના

હરિદ્વારના નકલંક આશ્રમના રાજેન્દ્રદાસબાપુ અને સાંસદો પૂનમબેન માડમ, રમેશ ધડુક અને રાજેશભાઈ ચુડાસમાનો પુરતો સહયોગ

રાજકોટ : સૌરાષ્ટ્ર - ગુજરાતભરમાંથી ૩૦૦થી વધુ યાત્રિકો હરિદ્વાર ગયા હતાં ત્યાં ફસાઈ ગયા હતા. દરમિયાન આ લખાય છે ત્યારે હરિદ્વારમાં ફસાયેલા આ યાત્રિકો ગુજરાત આવવા રવાના થઈ ગયા છે. હરિદ્વારના નકલંકધામ આશ્રમ તેમજ જુદા જુદા આશ્રમમાં ફસાયેલા ૩૦૦થી વધુ ભાઈ - બહેનોને ગુજરાત રવાના કરવા માટે નકલંકધામ આશ્રમના પૂ.રાજેન્દ્રદાસબાપુ તેમજ ઉત્તરાખંડ સરકાર, કેન્દ્રીય મંત્રી મનસુખભાઇ માંડવીયા તેમજ જામનગર સાંસદ પૂનમબેન માડમ, જૂનાગઢ સાંસદ શ્રી રાજેશભાઈ ચુડાસમા અને પોરબંદરના સાંસદ શ્રી રમેશભાઈ ધડુક સાથે સતત સંપર્કમાં રહી આ યાત્રિકોને પરત લાવવામાં આવી રહ્યા છે. આશ્રમ તરફથી રસ્તામાં ભોજનની તેમજ યાત્રિકોને ફૂડ પેકેટની પણ વ્યવસ્થા કરવામાં આવી છે. સાથોસાથ હરિદ્વાર પ્રશાસન દ્વારા વાહનના પાસ પણ કાઢી આપવામાં આવ્યા છે. જેથી ગુજરાત સુધી પહોંચવામાં આ યાત્રિકોને હેરાનગતિ ન વેઠવી પડે. તસ્વીરમાં હરિદ્વારથી બસ મારફત નિકળી રહેલ યાત્રિકો નજરે પડે છે.

(1:01 pm IST)
  • ભારતમાં ૬૪૯ કેસ : ૧૪ના મોત : (૫૯૩ એકટીવ - હાલમાં કોરોના પીડિત કેસો જયારે ૪૨ સાજા થતાં ડિસ્‍ચાર્જ અપાયા) હોવાનું કેન્‍દ્રના આરોગ્‍ય - કલ્‍યાણ ખાતાએ જાહેર કર્યુ છે : મુંબઈ - થાણેમાં ૨ પોઝીટીવ કેસો : મુંબઈનો આંક હવે ૧૨૪ થયો : :એક વધુ મૃત્‍યુ સાથે મૃત્‍યુઆંક ૪ : ઈન્‍દોરમાં નવા ૫ કેસો સાથે મધ્‍યપ્રદેશમાં ૨૦ કોરોના પોઝીટીવ access_time 12:00 pm IST

  • દિલ્હીમાં આવશ્યક ચીજ વસ્તુઓની દુકાનો 24 કલાક ખુલ્લી રાખી શકાશે : મુખ્યમંત્રી અરવિંદ કેજરીવાલની મહત્વની જાહેરાત : લોકોની ભીડ થતી અટકાવવા અને ચીજ વસ્તુઓના પૂરતા સ્ટોકને ધ્યાને લઇ નિર્ણય લીધો : દૂધ ,શાકભાજી , દવા ,કરિયાણું ,સહિતની જીવન જરૂરી ચીજો માટે ભીડ ન કરવા અનુરોધ : મહોલ્લા ક્લિનિક ચાલુ રહેશે : ફ્રી હોમ ડિલિવરી સેવા પણ ચાલુ રહેશે :છેલ્લા 24 કલાકમાં કોરોના વાઇરસનો એક કેસ નોંધાયો access_time 7:26 pm IST

  • ઓનલાઇન ટિકિટ લેનાર યાત્રિકોને રેલવે તંત્રની સૂચના : ટિકિટ કેન્સલ કરાવશો તો રકમ ઓછી મળવાની શક્યતા : 14 એપ્રિલ સુધી તમામ ટ્રેનો રદ થઇ હોવાથી આપોઆપ રિફંડની રકમ તમારા ખાતામાં જમા થઇ જશે access_time 1:35 pm IST