Gujarati News

Gujarati News

News of Friday, 26th February 2021

જૂનાગઢના કેરાળા ગામે આધેડ પતિની પત્નિ અને પુત્રના હાથે હત્યા

મૃતકના માતાની ફરિયાદના પગલે પોલીસ તપાસ

(વિનુ જોષી દ્વારા) જૂનાગઢ,તા. ૨૬: જૂનાગઢના કેરાળા ગામે આધેડ પતિની પત્નિ અને પુત્રએ હત્યા કરી નાખી હોવાનું જાણવા મળેલ છે.

જૂનાગઢ તાલુકાના કેરાળા ગામે રહેતા દિપકભાઇ ચંદુભાઇ કુટેચા નામના કોળી આધેડને ગઇ કાલે મોડી સાંજે તેના પત્નિ વિદ્યાબેન અને પુત્ર જયેશ સાથે ઘર કંકાશને લઇને ઉગ્ર બોલાચાલી થઇ હતી.

આ ઝઘડામાં પત્નિ વિદ્યાબેન અને પુત્ર જયેશે દિપકભાઇ ઉપર તિક્ષ્ણ હથીયારના ઘા ઝીંકીને હત્યા કરી નાખી હતી. આ અંગેની જાણ થતા જૂનાગઢ તાલુકા પોલીસનો કાફલો દોડી ગયો હતો.

આધેડની હત્યા અંગે મૃતકની માતા હેમીબેન ચનાભાઇ કોળીની ફરિયાદ લઇ વિદ્યાબેન અને જયેશ સામે ધોરણસરની કાર્યવાહી કરી બન્નેની ધરપકડ માટે તજવીજ હાથ ધરી હતી.

નાના એવા કેરાળા ગામમાં આધેડના ખુનના બનાવથી સનસનાટી ફેલાઇ ગઇ હતી.

(12:58 pm IST)
  • રાજયમાં ફાયર સેફટી એકટના અમલમાં હાઇકોર્ટનું કડક વલણ : કોર્ટે કહ્યું.. લોકોના જીવના જોખમે હોસ્પિટલો અને શાળાઓ ધંધો કરી શકશે નહીં: શ્રેય હોસ્પિટલ ફરી શરૂ કરવાની રજૂઆત કોર્ટે ફગાવીઃ અમદાવાદ હોસ્પિટલ અને નર્સિગ એસોસીએશનને હાઇકોર્ટનો નિર્દેશ.. ફાયર સેફટીના નિયમોનું પાલન કરો અથવા હોસ્પિટલ બંધ કરોઃ ફાયર સેફટી વગરની ઇમારતો ફેકટરી શાળાઓ અને હોસ્પિટલો સામે કડક કાર્યવાહી કરવા હાઇકોર્ટનો સરકારનો આદેશ. access_time 3:54 pm IST

  • કેન્દ્રીય કર્મચારીઓને મળી શકે છે ખુશખબરી : કોરોના કાળમાં સરકારે મોંઘવારી ભથ્થું કાપ્યું હતું ત્યારે હવે જાન્યુઆરી 2021થી જૂન 2021 સુધીમાં ડીએમાં વધારો થવાની શકયતા છે :આગામી દિવસોમાં જ નવા વધારા સાથે પગાર મળશે access_time 1:26 am IST

  • સીંગતેલમાં રૂ. ૭૫ અને કપાસીયા તેલ અને પામોલીન તેલના ભાવમાં રૂ.૧૦૦નો વધારો ઝીંકાયો access_time 4:25 pm IST