Gujarati News

(હસમુખરાય કંસારા દ્વારા) ધ્રોલ તા. રપ :.. ધ્રોલ નગરપાલીકાના વહીવટી તંત્ર સામે ઘણાં જ સમયથી નાગરીકોમાં રોષની લાગણી ફેલાયેલ છે. નગરપાલીકામાં જાણે કે કોઇ જ ઘણી ધોરી ન હોય તેમ લોકોના અનેક વિધ પ્રશ્નો સહિત સફાઇના પ્રશ્નો ના પણ કોઇ જ ઉકેલ આવતા નથી. વોર્ડ નં. ૪ ના વિસ્‍તારમાં છેલ્લા એકાદ માસથી સફાઇની ગંભીર ફરીયાદો કરવા છતાં કોઇ જ ઉકેલ ન આવતા આ લતાવાસી નાગરીક - ભાઇઓ તથા બહેનોએ તેમના વિસ્‍તારમાં એકત્ર થયેલ કચરા ના ઢગલાઓ ટ્રેકટરમાં ભરીને નગરપાલીકાની કચેરી એ ઠાલવેલ અને નાગરીકોએ આ પ્રશ્ને સુત્રોચ્‍ચાર સાથે વિરોધ પ્રદર્શન કરેલ. પરંતુ આ સમયે નગરપાલીકાના કોઇ જવાબદાર હાજર ન હોવાને કારણે આ પ્રશ્ન અંગે નગરપાલીકા તરફથી લોકોને કોઇ જ પ્રત્‍યુતર મળેલ નહીં.

ધ્રોલ શહેરમાં સફાઇની કોઇ જ ફરીયાદ સાંભળતા નથી. અવાર નવાર દિવસો સુધી લત્તાઓમાં સફાઇ કરવામાં આવતી નથી. તે અંગે કોઇ જ કાર્યવાહી કરવામાં આવતી નથી.

ડોર ટુ ડોર મળે રાખવામાં આવેલા મોટાભાગના વારનો બંધ હાલતમાં છે. ટ્રેકટર દ્વારા જે તે વિસ્‍તારમાં કચરો ઉપાડવાની કામગીરી ચાલુ છે. પરંતુ આ ટ્રેકટર ચાલકો  મરજી મુજબ  પોતે જગ્‍યાએથી કચરો ઉપાડે છે. તેની બાપુમાં પડેલ કચરાના ઢગલાને અડતા પણ નથી. અને આંટો મારીને જતા રહે છે. આ સ્‍થિતિ હોવાની અનેક ફરીયાદો નાગરીકો તરફથી કરવા છતાં પણ સફાઇના પ્રશ્ને કોઇ યોગ્‍ય કામગીરી થતી નથી.

ધ્રોલ નગરપાલીકાની બોડીની તા. ર૩-ર-ર૩ નાં રોજ મુદત પુરી થતા હવે વહીવટદારનું શાસન આવશે.

ત્‍યારે ધ્રોલ નગર. ની આશરે પ૦ હજારની જનતાના આ મહત્‍વના સફાઇના પ્રશ્ને વોર્ડ નં. ૪ ના પ૦ થી ૬૦ જેટલા ભાઇઓ તથા બહેનો એ સતાધીશોની કાર્ય પધ્‍ધતીનો પર્દાફાશ કરીને ટ્રેકટરમાં કચરો ભરીને નગરપાલીકા કચેરીમાં ઠાલવવાની ફરજ પડેલ છે. તે પ્રશ્ને તાકીદે યોગ્‍ય જવાબદારો સામે સરકારશ્રી તરફથી કડક કાર્યવાહી કરવામાં આવે તેવી નાગરીકોની માંગણી છે.