Gujarati News

તસ્વીરમાં અકસ્માતમાં મોતને ભેટેલ યુવાનનો મૃતદેહ અને ઘટના સ્થળે કારનો બુકડો બોલી ગયો હતો તે નજરે પડે છે. (તસ્વીરઃ પ્રવિણ વ્યાસ-મોરબી)

મોરબી, તા., ર૪: માળીયા મિયાણાના રોહીશાળા ગામ પાસે કાર અને યુટીલીટી વચ્ચે અકસ્માત સર્જાતા બે વ્યકિતના ઘટના સ્થળે જ કમકમાટીભર્યા મોત નિપજયા હતા.

પ્રાપ્ત વિગતો મુજબ માળીયા મિયાણાના રોહીશાળા ગામ પાસે અણીયારી ટોલ નાકા નજીક સવારે યુટીલીટી અને કાર વચ્ચે અકસ્માત સર્જાતા બે વ્યકિતના ઘટના સ્થળે જ મોત નિપજયા હતા. મૃતક બંન્ને યુવાનો સાપકડા ગામના હોવાનું અને બંન્ને નવી કારનું પાસીંગ કરાવવા માટે જતા હતા ત્યારે આ અકસ્માત નડયો હતો.

બનાવની જાણ થતા પોલીસ ઘટના સ્થળે દોડી ગઇ છે. અકસ્માતમાં મોતને ભેટેલ બંન્ને યુવાનોના નામ જાણવા મળેલ નથી.