Gujarati News

Gujarati News

News of Saturday, 24th October 2020

પોરબંદરની વીર ભનુની ખાંભી નજીક કાર અકસ્માત : ASI ગોવિંદભાઈ ગરચરનું મોત :એક પોલીસકર્મી ગંભીર

પોરબંદરની વીર ભનુ ની ખાંભી નજીક અકસ્માત સર્જાયો છે. મોડી રાત્રે એક કાર અકસ્માત સર્જ્યો છે. વીર ભનુ ની ખાંભી નજીક ફરજબજાવી રહેલા 2 પોલીસ કર્મી ઇજાગ્રસ્ત થયા છે. જેમાં સારવાર દરમિયાન એ.એસ.આઈ.ગોવિંદભાઈ ગરચર નું મોત નીપજ્યું છે જ્યારે 1 પોલીસ કર્મી ને ગંભીર ઇજાઓ પહોંચી છે. ઘટના ની જાણ થતાં પોલીસ કાફલો ઘટના સ્થળે પહોંચ્યો હતો.પોરબંદરમાં મોડી રાતે થયેલા એક ગમખ્વાર અકસ્માતમાં પોરબંદરની કમલાબાગ પોલીસના બે પોલીસકર્મીઓને ગંભીર ઇજાઓ પહોંચી હતી. પુરપાટે દોડી આવી રહેલી જીપ કમ્પાસ કારે સર્કલ નજીક ઓટોને ટક્કર મારી હતી જેમાં નાઇટ કોમ્બિંગમાં ફરજ બજાવી રહેલા બે પોલીસકર્મીઓને અતિગંભીર ઇજા પહોંચી હતી.આ ઇજાગ્રસ્ત પૈકીના એ.એસ.આઈને વધુ સારવાર માટે રાજકોટ ખસેડવામાં આવ્યા હતા. દરમિયાન રાજકોટ સારવાર માટે લઈ જવાઈ રહેલા ASIનું રસ્તામાં જ મોત થયું હતું. ઘટનાના પગલે પોલીસબેડામાં શોકનું મોજું ફરી વળ્યું છે.

(11:54 am IST)
  • રાજ્યમાં ફ્રન્ટલાઇન કોરોના વોરિયર્સની સંખ્યા ૨.૧૦ લાખ : ડેટાબેઝ તૈયાર કરવાની કાર્યવાહી : કેન્દ્રીય આરોગ્ય સચિવ સાથે વિડીયો કોન્ફોરન્સમાં આરોગ્ય સચિવ ડો. જયંતિ રવિએ સરકારને આંકડા આપ્યા access_time 3:38 pm IST

  • પાંચ ટીવી ચેનલોને જાહેર માફી પ્રસારીત કરવા NBSA દ્વારા આદેશ: સુશાંતસિંઘ રાજપૂતના મૃત્યુના સમાચાર પ્રસિદ્ધ કરવા સમયે પત્રકારિત્વના નિયમોનું ઉલ્લંઘન કરવા માટે આજતક, ઝીન્યૂઝ, ઇન્ડિયાટીવી અને અને ન્યૂઝ ૨૪ ને માફી પ્રસારિત કરવા ન્યૂઝ બ્રોડકાસ્ટીંગ સ્ટાનડર્ડ ઓથોરિટી (એનબીએસએ) એ આદેશ આપ્યા access_time 1:04 pm IST

  • '૫૦' વટાવી ચુકેલ પોલીસોની દાંડાઇ હવે યોગી સરકાર ચલાવી નહિ લ્યે : ૫૦ વર્ષથી મોટા ઉમરના અને કામ નહિ કરતા પોલીસ કર્મીઓનું લીસ્ટ યોગી સરકાર તૈયાર કરાવી રહી છે. આ બધાને વહેલા સેવા નિવૃત કરી દેવાશે રાજયના તમામ પોલીસ વડાને લીસ્ટ તૈયાર કરવા યોગી આદિત્યનાથે ફરી આદેશ આપ્યો access_time 3:04 pm IST