Gujarati News

Gujarati News

News of Tuesday, 24th September 2019

જૂનાગઢ, સલાયા, ખંભાળિયા, માળિયા મીંયાણા, રાજુલા, છાયામાં તા. ૨૨ ઓકટોબરે પેટાચૂંટણી

કોર્પોરેશનની ૩ અને નગરપાલિકાઓની ૧૭ બેઠકો માટે કાર્યક્રમ જાહેર

રાજકોટ, તા. ૨૪ :. રાજ્ય ચૂંટણી પંચે નગરપાલિકાઓની ૧૭ અને મહાનગરપાલિકાઓની ૩ બેઠકો માટે પેટાચૂંટણી જાહેર કરી છે. પંચના સચિવ શ્રી મહેશ જોશીની સહીથી જાહેર થયેલ કાર્યક્રમ મુજબ ૩૦ સપ્ટેમ્બરે પેટાચૂંટણીનું જાહેરનામુ પ્રસિદ્ધ થશે. તે દિવસથી ૫ ઓકટોબર સુધી ફોર્મ ભરી શકાશે. તા. ૭મીએ ફોર્મ ચકાસણી થશે. તા. ૯મીએ ફોર્મ પાછા ખેંચવાનો છેલ્લો દિવસ છે.

મતદાન તા. ૨૨મીએ મંગળવારે સવારે ૮ થી ૫ વાગ્યા સુધી થશે. મત ગણતરી ૨૪ ઓકટોબરે થશે. ખેડા જિલ્લાના કપડવંજમાં નગરપાલિકાની ૧૦ બેઠકો માટે પેટાચૂંટણી જાહેર થઈ છે. છોટાઉદેપુરની ૧ બેઠક તેમજ અમદાવાદ અને વડોદરા કોર્પોરેશનની એક એક બેઠક માટે ચૂંટણી યોજાશે. સૌરાષ્ટ્રને લાગુ પડતી પેટાચૂંટણીની માહિતી નીચે મુજબ છે.

જૂનાગઢમાં વોર્ડ નં. ૩ની સામાન્ય બેઠક માટે ચૂંટણી યોજાશે. માળિયામીંયાણામાં વોર્ડ નં. ૨ની પછાતવર્ગ સ્ત્રી અનામત બેઠક તેમજ રાજુલાની વોર્ડ નં. ૭ની સામાન્ય બેઠક માટે ચૂંટણી થશે. સલાયાના વોર્ડ નં. ૧ની સામાન્ય સ્ત્રીની બન્ને બેઠકો પર પેટાચૂંટણી થશે. ખંભાળિયામાં વોર્ડ નં. ૬ની અનુસૂચિત જાતિની ૧ બેઠકની પેટાચૂંટણીનો કાર્યક્રમ જાહેર થયેલ છે. પોરબંદરની છાયા નગરપાલિકાના વોર્ડ નં. ૬ની આદિજાતિ અનામત બેઠક પર ચૂંટણી થશે.

(1:27 pm IST)
  • શેરબજારમાં ભારે ઉતાર-ચડાવઃ સેન્સેકસ માઇનસમાંથી પ્લસમાં: રિલાયન્સ ઇન્ફોસીસ ઉછળ્યાઃ સેન્સેકસ ૬૦ અપ અને નીફટી ૧૧૫૯૪ ઉપર access_time 3:45 pm IST

  • અફઘાનીસ્તાનમાં લશ્કરની આતંક વિરોધી કાર્યવાહીમાં નિર્દોષ જાનૈયાઓનો ભોગ લેવાયોઃ લગ્ન મંડપ ઉપર હવાઇ હુમલોઃ બાળકો સહિત ૪૦ના મોત : હેલમંદ પ્રાંતની ઘટનાઃ આતંકીઓને બદલે બાજુમાં ચાલતા લગ્ન સ્થળ ઉપર બોંબ ઝીંકાયાઃ ગયા અઠવાડીયે અફઘાનના નાંગરહાર પ્રાંતમાં અમેરિકી લશ્કરે ભૂલમાં નાગરીકો ઉપર બોંબ ઝીંકતા ૩૦ નિર્દોષ નાગરિકો માર્યા ગયેલા access_time 1:13 pm IST

  • કાલથી કેરળમાં મધ્યમ - ભારે વરસાદ : અપર લેવલ એકટીવ સરકયુલેશન અને લો લેવલ હિલચાલના પગલે આગામી કેટલાક દિવસો (૨૪-૨૫ સપ્ટેમ્બર) સુધી કેરળમાં મધ્યમથી ભારે વરસાદની ખાનગી વેધર ચેનલે આગાહી કરી છે : ગાજવીજ સાથે બેંગ્લોર અને તામિલનાડુમાં વરસાદ પડવા સંભવ access_time 6:32 pm IST