Gujarati News

Gujarati News

News of Tuesday, 24th April 2018

ભાવનગર હોસ્પિટલમાં આગ ભભૂકીઃ ૨૭ બાળકોનો બચાવ

સર ટી હોસ્પિટલના બાળકોના વોર્ડમાં શોર્ટ સર્કિટથી આગ લાગતા અફડાતફડી

ભાવનગર, તા. ૨૪ :. ભાવનગરની સરકારી સર ટી હોસ્પીટલના બેબી વોર્ડમાં મોડી રાત્રીના ૨.૪૫ વાગ્યે શોર્ટ સર્કિટથી આગ ભભુકી ઉઠતા અફડાતફડીનો માહોલ સર્જાયો હતો. હોસ્પીટલમાં સ્ટાફે ૨૭ શિશુઓને બચાવી લીધા હતા. ફાયર બ્રિગેડના સ્ટાફે આગને કાબુમાં લીધી હતી.

મળતી વિગતો મુજબ શહેરની સરકારી સર ટી હોસ્પીટલના બેબી વોર્ડ (બાળકોની હોસ્પીટલ)માં મોડી રાત્રીના ૨.૪૫ કલાકે શોર્ટ સર્કિટથી આગ ભભુકી ઉઠતા ઈલેકટ્રીક ઉપકરણો અને એર કન્ડીશન વિગેરે સળગી જવા પામ્યુ હતું. ફાયર બ્રિગેડનાં સ્ટાફે જાણ થતા તુરંત દોડી જઈ પાણીનો છંટકાવ કરી આગને કાબુમાં લીધી હતી.

 આગને કારણે હોસ્પીટલમાં અફડાતફડી મચી ગઈ હતી અને હોસ્પીટલનાં સ્ટાફે ૨૭ શિશુઓને બહાર લાવી તમામને બચાવી લેતા કોઈ જાનહાની થઈ ન હતી.(૨-૩)

(11:05 am IST)
  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST

  • ગુજરાતમાં પોતાના નેટવર્કમાં જબ્બર વધારો કરવા એરટેલ સાબદું:એરટેલે આજે ગુજરાતમાં તેના નેટવર્કના એકસપાન્સન માટે મેજર પ્લાન જાહેર કર્યા છે.: ગુજરાતમાં ૯ હજાર નવી સાઇટ અને ૨૦૦૦ કિ.મી.ની ફાઇબર ઓપ્ટિક લાઈન આ વર્ષમાં પાથરવામાં આવશે access_time 10:01 pm IST

  • IPL 2018 : લો સ્કોરિંગ મેચમાં પંજાબનો દિલ્હી સામે ચાર રને વિજય : દિલ્હીની સતત પાંચમી હાર, પંજાબની સતત ચોથી જીત : શ્રેયસ ઐય્યરના 57 રન દિલ્હીને જીતાડી શક્યા નહીં : પંજાબે છેલ્લા બોલે દિલ્હીને 4 રને હરાવ્યું access_time 11:45 pm IST