Gujarati News

(કૌશલ સવજાણી દ્વારા) ખંભાળિયા તા. ર૪ : ભાણવડના રેંટા કાલાવડ ગામે સરકારી ખરાબાના ખાતા નં. ૪ર૮ રેવન્યુ સર્વેનં. ૧૦ર અને જુના ૩૮૪ પૈકીની કુલ ર૦ એકર જમીન જેની જંત્રી મુજબ કિંમત રૂ.૧ર.૯પ લાખ થાય છે તે જમીન ઉપર નાથા નાંઝા કારાવદરા નામના શખ્સે ગેરકાયદેસર કબ્જો જમાવી તેમાં વાવણી કરી ખેડી અને તેના ઉપર મકાનનું બાંધકામ કર્યું હતું. આ અંગે ભાણવડના નાયબ મામલતદારે ભીખાભાઇ પરમારે તપાસ કરી ફરીયાદ નોંધાવતા પોલીસે નાથા નાંઝા કારાવદરા વિરૂદ્ધ લેન્ડ ગ્રેબિંગ હેઠળ ગુનો નોંધી વધુ તપાસ ડી.વાય.એસ.પી.હિરેન્દ્ર ચૌધરી ચલાવી રહી છે.