Gujarati News

Gujarati News

News of Monday, 23rd November 2020

મોરબી સાવસર પ્લોટમાં ગટર વેપારીઓએ પોતે જ સાફ કરી

(પ્રવિણ વ્યાસ દ્વારા) મોરબી તા. ૨૩ : મોરબીમાં પાલિકાની બેદરકારીને લીધે ઉભરાતી ગટરની સામાન્યએ ઠેર ઠેર ગંદકીના ગંજ કરી નાખ્યા છે અને ઠેર ઠેર ગટર ઉભરાવવાની સમસ્યા હોવા મળી રહી છે. જેથી લોકોનું આરોગ્ય ભગવાન ભરોસે થઈ ગયું છે. ગટરની સમસ્યા ઉકેલવામાં ઢીલ રાખનાર તંત્ર પર હવે લોકોનો ભરોસો રહ્યો નથી અને અપના હાથ જગન્નાથની ઉકિતને સાર્થક કરતા હોય તેમ લોકોને જાતે ઉભરાતી ગટરની સફાઈ કરવી પડી છે.

મોરબી નગરપાલિકાના અણઘડ વહીવટને કારણે પ્રજાને પારાવાર મુશ્કેલીઓનો સામનો કરવો પડે છે લોકો પાલિકામાં અનેકવાર રજૂઆતો કરી કોઈ પ્રશ્નનો ઉકેલ આવતો નથી જેથી હવે લોકો પાલિકાએ રજૂઆત કરવાના બદલે પોતાની સમસ્યાનો પોતે જ હલ લાવવાના પ્રયાસો શરૂ કરી દીધા છે સાવસર પ્લોટમાં ઉભરાતી ગટરની લીધો વેપારીઓ પરેશાન હોય જેથી તેઓએ દુકાનની બાજુમાંથી પસાર થતી ગટરનું પાણી જાતે જ કાઢવાનો શરૂ કર્યા છે. જેથી હવે તંત્ર જાગૃત બની અને પ્રજાના પ્રશ્નો ઉકેલ લાવવો જોઈએ તેવી માંગ વેપારીઓ અને રહીશો કરી રહ્યા છે.

આ અંગે મોરબી પાલિકાના ચીફ ઓફિસર ગિરીશ સરૈયાનો ફોન પર સંપર્ક કરતા તેમણે જણાવ્યું હતું કે સવસાર પ્લોટ માં આવેલી ભૂગર્ભ ગટર લાઇનમાં સમસ્યા છે અને તે અમારા ધ્યાનમાં છે. વર્ષ ૨૦૧૫માં મોરબી નગરપાલિકા વિસ્તારમાં સમાયેલા તેમજ જે વિસ્તારોમાં ભૂગર્ભ ગટરની સમસ્યા જે વિસ્તારોમાં છે તેના માટે નવી લાઈનની મંજૂરીની પ્રક્રિયા શરૂ કરી દેવામાં આવી છે અને વહેલી તકે પ્રજાને સમસ્યાનો ઉકેલ લાવવા માટે પૂરતા પ્રયાસો તંત્ર કરી રહ્યું છે પણ આ ઉકેલ કયારે આવે તે પણ જોવાનું રહ્યુ.

(12:46 pm IST)
  • કોરોના વાઇરસને ફેલાતો અટકાવવા તમે શું પગલાં લીધા ? : દિલ્હી ,આસામ, મહારાષ્ટ્ર તથા ગુજરાત સરકાર પાસે સુપ્રીમ કોર્ટે સ્ટેટ્સ રિપોર્ટ માંગ્યો access_time 12:03 pm IST

  • મુંબઈ સહિત મહારાષ્ટ્રમાં જામતી ઠંડીઃ કાલથી ચેન્નાઈમાં ધમધોકાર વરસાદ : મહારાષ્ટ્રમાં મુંબઈ, પુણે, નાસિક, મહાબલેશ્વર સહિતના સ્થળોએ રાત્રીના અને વ્હેલી સવારે હવે ઠંડી જામતી જશે : વિશ્વ પ્રસિદ્ધ મહાબળેશ્વરમાં તો ૧૧-૧૨ ડિગ્રી જેવું ઠંડુ ઉ.માન થઈ જશે : ચેન્નાઈમાં આવતીકાલથી ૨૪-૨૫ બે દિવસ ધમધોકાર વરસાદ પડશે : ૨૫મીએ ૪ ઈંચથી પણ વધુ ભારે વરસાદ ખાબકવાની આગાહી થઈ છે : કાલે અને પરમદિવસે, મંગળ-બુધવારે જોરદાર પવન ફૂંકાશે : દિલ્હીનું હવામાન સવારનું ૧૧ ડિગ્રી અને દિવસનું ૨૪ ડિગ્રી આસપાસ રહેશે access_time 11:31 am IST

  • બિહાર રાજ્યની 17 મી ધારાસભાનું નવું સત્ર આજ 23 નવેમ્બરથી શરૂ : 27 નવેમ્બર સુધી ચાલનારા પાંચ દિવસીય સત્ર દરમિયાન ધારાસભ્યોનો શપથવિધિ યોજાશે : સ્પીકર જીતનરામ માંઝી શપથ લેવડાવશે : સેનિટાઇઝર, સોશિઅલ ડિસટન્સ, માસ્ક સહીત કોવિદ -19 નિયમોના પાલનની સજ્જડ વ્યવસ્થા : કુલ સંખ્યાના 43 ટકા એટલેકે 105 ધારાસભ્યો નવા ચૂંટાઈ આવ્યા હોવાથી પ્રથમવાર શપથ લેશે access_time 11:54 am IST