Gujarati News

Gujarati News

News of Tuesday, 23rd February 2021

ભાણવડના આંબરડીયા યુવકની હત્યામાં આરોપીઓ પોલીસના હાથવેંતમાં

(કૌશલ સવજાણી દ્વારા) ખંભાળીયા તા. ર૩ : દેવભૂમિ દ્વારકા જિલ્લાના ભાણવડના આંબરડી ગામે ગઇકાલે દલિત વ્યકિતની હત્યાનો બનાવ બનેલો જેમાં રાણા ભીખા સાદીયા નામનો શખ્સ ગુમ થયો હતો જે પછી સુખમય રીતે તેની લાશ કુવા પાસેથી મળી આવેલ તપાસમાં હત્યાનો બનાવ નીકળતા ગઇકાલે સાંજે વિધિવત પોલીસ ફરીયાદ દલિત જ્ઞાતિનાજ મુકેશ મનસુખ સાદિયા સહિત ત્રણ સામે ફરીયાદ થઇ હતી જે અનુસંધાને ગઇકાલે જ જિ.પો.વડાશ્રી સુનીલ જોશીના માર્ગદર્શન હેઠળ ડી.વાય.એસ.પી. હિરેન ચૌધરી તુરતજ ઘટના સ્થળે પહોંચી ગયા હતા તથા તેમના માર્ગદર્શન હેઠળ ભાણવડ પો.સ.ઇ. જે.જી.સોલંકીએ તપાસ હાથ ધરીને પુછપરછ કરતા આ ભેદ ઉકેલાઇ જતા આરોપી હાથવેંતમાં હોવાનું પોલીસ વર્તુળોમાંથી જાણવા મળેલ છે. તથા સાંજે વિધિવત પકડાઇ જાય તેવી સંભાવના છે જો કે થોડા સમયમાં દ્વારકા જીલ્લામાં ત્રણ-ત્રણ ખુનના બનાવો થયેલા પણ તમામના ભેદ ઉકેલવામાં પોલીસ સફળ રહી છે. તે દ્વારકા જિ. પોલીસની મહત્વની બાબત ગણાય છે.

(1:13 pm IST)
  • 'આપ'ના રાજભા ઝાલાને માત્ર ૧૧૨૦ મત મળ્યા : બીજા રાઉન્ડના અંતે બપોરે ૨ વાગે 'આપ'ના અગ્રીમ નેતા અને ભાજપના સ્ટેન્ડીંગ ચેરમેન રહી ચૂકેલા, ભાજપ સામે ઉપવાસ આંદોલન કરનાર શ્રી રાજભા ઝાલાને પ્રજાએ સંપૂર્ણ જાકારો આપ્યો છેઃ બીજા રાઉન્ડના અંતે રાજભાને ૧૧૨૦ મત મળ્યા છેઃ જયમીન ઠાકરને ૩૮૪૫, મનીષ રાડીયા ૩૪૩૫૭ access_time 3:57 pm IST

  • સુરતમાં ૧૨૦ બેઠકમાંથી ભાજપ ૫૫ બેઠક ઉપર જીત મેળવી ચૂકયુ છે : ૧૯ બેઠકમાં આગળ છે : ‘આપ’ પાર્ટીએ ૨૫ બેઠક મેળવી ભાજપના પગે પાણી લાવી દીધા : ગજબની રસાકસી : કોંગ્રેસનું નામો નિશાન ભૂંસાઈ ગયું : પાટીદાર ફેક્ટરે મોટો અપસેટ સર્જયો access_time 4:45 pm IST

  • મધ્યપ્રદેશમાં પણ કોરોનાના કહેરનો ખતરો : મહારાષ્ટ્ર બોર્ડરના જિલ્લામાં એલર્ટ : આરોગ્યમંત્રીએ જિલ્લા ક્રાઈસીસ મેનેજમેન્ટ ગ્રુપ સાથે બેઠક કરી :કોરોના ગાઈડલાઇનનું ચુસ્ત પાલન કરાવવા આદેશ : મહારાષ્ટ્રથી આવનાર પ્રવાસીઓને થર્મલ સ્ક્રીનિંગ કરાશે : મોટા મેળાવડા સહિતના આયોજન પર રોક લગાવાઈ access_time 11:20 pm IST