Gujarati News

Gujarati News

News of Tuesday, 22nd October 2019

લખપતમાં તીડ નાશક ઝેરી દવાની અસર થતાં પાંચ ગ્રામસેવકોને ભુજ હોસ્પિટલમાં ખસેડાયા

સર્વે દરમ્યાન શ્વાસ લેવામાં થઇ મુશ્કેલી

ભુજ તા. રરઃ લખપતના મોટી છેર અને આજુબાજુના ગામોમાં તીડની સમસ્યાને કારણે ખેડૂતોને થઇ રહેલી મુશ્કેલીનો સર્વે કરવા ગયેલા પાંચ ગ્રામસેવકોને ઝેરી દવાની અસર થઇ હતી.

આ ગ્રામ સેવકોને શ્વાસ લેવામાં મુશ્કેલી થતાં ૧૦૮ એમ્બ્યુલન્સ દ્વારા તેમને લખપતથોી પહેલાં પાનધ્રો સરકારી દવાખાનામાં સારવાર અપાયા બાદ જિલ્લા મથક ભુજ મધ્યેની અદાણી જીકે જનરલ હોસ્પિટલમાં સારવાર માટે ખસેડાયા હતા.

આ ગ્રામસેવકો (૧) જયેશ ચંદુ છૈયા (ઉ.૩૬, લખપત), (ર) ભરતસિંહ બાબુજી રાજપૂત (ઉ.રપ, આધોઇ), (૩) જિંજલબેન મહેશ પટેલ (ઉ. ર૪, મેઘપર), (૪) જગદીશ છોટાલાલ વાળંદ (ઉ. ૩પ, દયાપર), (પ) ભાવેશ મેઘજી જાટ (ઉ.૩૦ નાની છેર) આ તમામ સારવાર હેઠળ છે.

(11:42 am IST)
  • અરબી સમુદ્રના ડીપ્રેશનને લીધે પ.ભારતના સાગરકાંઠે દે ધનાધન પડશે : આવતા ૪૮ કલાકમાં અરબી સમુદ્રનું લો પ્રેસર, ડીપ્રેશનમાં ફેરવાઇ જશે જેને લીધે પશ્ચિમ ભારતના સાગર કાંઠે મુખ્યત્વે રત્નાગીરીથી મેંગ્લોર બેલ્ટ વચ્ચે ભારે વરસાદની આગાહી થઇ છે. access_time 12:54 pm IST

  • આંધ્રના નેલોરથી કાવેલી વચ્ચે ભારે વરસાદ પડશે : લો પ્રેસર પશ્ચિમને બદલે ઉત્તર તરફ આગળ વધ્યું છે. પરીણામે દક્ષિણ આંધ્ર પ્રદેશમાં નેલોરથી કાવેલી સુધી ભારે વરસાદની આગાહી થઇ છે. ચેન્નાઇમાં હળવાથી મધ્યમ વરસાદની આગાહી થઇ છે. બંગાળના અખાતથી સીસ્ટમ્સ આંધ્રના કાંઠે ભારે વરસાદ લાવશે. access_time 12:54 pm IST

  • રાજયપાલશ્રી આચાર્ય દેવવ્રત કાલે દ્વારકાની મુલાકાતે : દેવભૂમિ દ્વારકા તા ૨૨ : ગુજરાત રાજયના મહામહિમ રાજયપાલ શ્રી આચાર્ય દેવવ્રત આગામી તા.૨૩ના દ્વારકાની મુલાકાતે આવનાર છે. રાજયપાલશ્રી સવારે ૯.૧૦ થી ૧૦.૦૦ દરમ્યાન દ્વારકાધીશ મંદિરની મુલાકાત લેશે, ત્યારબાદ ૧૧.૦૦ કાલકે રાજયપાલશ્રી કોસ્ટગાર્ડ, દ્વારકાની મુલાકાત લેશે. access_time 11:26 am IST