Gujarati News

Gujarati News

News of Friday, 22nd June 2018

જસદણના શીવરાજપુરમાં ૪ નિલ ગાયના મૃતદેહ મળ્યા

પીવાના પાણીમાં ઝેર ભેળવી દીધાની ચર્ચાઃ વનવિભાગ દ્વારા તપાસ

જસદણ તા.૨૨: જસદણના શીવરાજપુર ગામની સીમમાંથી બે અલગ-અલગ જગ્યાઓ પરથી ચાર નિલગાયના મૃતદેહ મળી આવતા જીવદયા પ્રેમીઓમાં ભારે રોષ છવાયો છે.

આ ઘટનાની જાણ થતાં જીવદયા પ્રેમી જીતુભાઇ મોડા, ચાંપરાજભાઇ મોડા અને વનવિભાગની ટીમ દોડી ગઇ હતી. જસદણ પંથકમાં નિલગાયો ખેતીના પાકને નુકશાન કરી રહયા છે. એવી ભિતિને ધ્યાનમાં લઇ કેટલાંક અસામાજિક તત્વોએ નિલગાયોને પીવાના પાણીમાં ઝેર ભેળવી દીધું હોય ત્યારે સવારે એક જગ્યાએ ત્રણ અને એક જગ્યાએ એક મૃતદેહ પડયા હતા એમાંય કાળજુ કંપાવનારી ઘટના એ હતી કે એક નિલગાય ગર્ભવતી હતી.આ અંગે વનવિભાગની ટીમ દોડી જઇ જરૂરી કાર્યવાહી હાથ ધરી હતી.

(11:55 am IST)
  • મુખ્યમંત્રી પદની દૌડમાં મારુ નામ માત્ર અફવા: વિજયભાઈ રૂપાણીના નેતૃત્વમાં ગુજરાત સરકાર સ્થિર:વડોદરામાં કેન્દ્રીય મંત્રી પુરુસોત્તમ રૂપાલાએ પોતે મુખ્યમંત્રીની રેસમાં હોવાનું નકાર્યું ;છેલ્લા કેટલાક દિવસોથી ગુજરાતમાં મુખ્યમંત્રી બદલાશે તેવી ચર્ચાએ જોર પકડ્યું છે access_time 1:04 am IST

  • રેસ-૩ની ૧ સપ્તાહની કમાણી ૧૫૦ કરોડની નજીકઃ ૬ દિવસમાં ૧૩૮ કરોડની કરી કમાણીઃ હવે કમાણીની રેસ પર બ્રેક લાગે તેવી વકી access_time 3:34 pm IST

  • રણવીર-દીપિકા 10 નવેમ્બરે કરશે લગ્ન? : મુંબઇમાં વહેતી થયેલી વાતો અનુસાર દીપિકા પાદુકોણ અને રણવીર સિંહ 10 નવેમ્બર, 2018ના રોજ લગ્ન કરશે. આ એક ડેસ્ટિનેશન વેડિંગ હશે. જેમાંનું એક ફંક્શન દીપિકાના હોમટાઉન બૅન્ગલોરમાં યોજાશે. બન્નેનાં લગ્ન દક્ષિણ ભારતીય પરંપરા પ્રમાણે થશે. થોડા દિવસ પહેલાં દીપિકા પોતાની મમ્મી સાથે મુંબઈની એક દુકાનમાં જોવા મળ્યા બાદ ફરી એક વાર તેમનાં લગ્નની ચર્ચાએ જોર પકડ્યું છે. access_time 5:44 pm IST