Gujarati News

Gujarati News

News of Monday, 21st September 2020

કચ્‍છમાં કોરોનાનો આતંક : અનેક તબીબો અને સ્‍વામિનારાયણ સંતો સંક્રમિત : કેસોમાં જબ્‍બર ઉછાળો

મોતનો આંક એક્‍સો ? જો કે, આરોગ્‍ય કમિશનર, પ્રભારી સચિવની મુલાકાત પછીયે તંત્ર દ્વારા આંકડાઓ છુપાવાતા લોકોમાં વહીવટ સામે સવાલો

ભુજ તા. ૨૧ : બે દિ'માં ૬૧ નવા કેસ અને ૩૫૭ જેટલી મોટી સંખ્‍યામા એક્‍ટિવ દર્દીઓ સાથે કચ્‍છમાં કોરોનાએ બરાબરનો ભરડો લીધો છે. દિનપ્રતિદિન કોરોનાની ઝપેટમાં આવનાર વર્ગ વધી રહ્યો છે. ભુજના ૧૦ જેટલા ખાનગી તબીબો અને ભુજ સ્‍વામિનારાયણ મંદિરના ૧૫ જેટલા સંતો કોરોનાની ઝપેટમાં આવી જતાં તેમના સંપર્કમા આવનાર બહોળા વર્ગમાં ફફડાટ વ્‍યાપી ગયો છે.

કચ્‍છમાં વધુ એક મોત સાથે સરકારી ચોપડે કોરોનાથી મૃત્‍યુ પામેલા દર્દીઓની સંખ્‍યા વધીને ૫૯ થઈ છે. જયારે તંત્રના જ સરકારી આંકડાઓ જોઈએ તો એક્‍ટિવ કેસ ૩૫૭ અને સાજા થયેલા દર્દીઓ ૧૩૫૮ બંનેનો સરવાળો ૧૭૧૫ થાય છે. જયારે કુલ દર્દીઓની સંખ્‍યા ૧૮૧૫ છે. જેમાથી ૧૭૧૫ બાદ કરીએ તો ૧૦૦ દર્દીઓની ઘટ આવે છે. આ ૧૦૦ દર્દિયોના મોતની આશંકા છે.

આ બાબતે કચ્‍છના કોંગ્રેસી આગેવાનોએ મોતની સંખ્‍યા અંગે તારિખવાર યાદી જાહેર કરવાની માંગ કરી છે. જોકે, આヘર્ય એ વાતનું છે કે, અત્‍યાર સુધી આરોગ્‍ય કમિશનર જયપ્રકાશ શિવહરે અને પ્રભારી સચિવ રાજકુમાર બેનિવાલ કચ્‍છમાં ચાર ચાર દિવસ રોકાયા છતાંયે પોઝીટીવ દર્દીઓની વાસ્‍તવિક સંખ્‍યાᅠ મોતના સાચા આંકડાઓ જાહેર કરવાની ન તેમણે તસ્‍દી લીધી છે, નથી તંત્રએ પ્રયાસ કર્યો. પરિણામે લોકોમાં સ્‍થાનિક તંત્ર પ્રત્‍યે અવિશ્વાસ અને સરકારના વહીવટ સામે સવાલો અને ચર્ચા થઈ રહ્યા છે.

 

(10:53 am IST)
  • સૌરાષ્ટ્ર - કચ્છ અને ગુજરાત ઉપરથી આજે વાદળા વિખેરાવા લાગ્યા :ગઈકાલે વાદળાઓના ઝુંડ છવાયા હતા તો આજે સવારથી આછા વાદળા થવા લાગ્યા. રાજકોટમાં અત્યારે તડકા છાયાનું વાતાવરણ છે.( access_time 1:04 pm IST

  • સીબીઆઈ દ્વારા ડેરી - આઈક્રીમ નિર્માતા કંપની ક્વાલિટી લિમિટેડ અને તેના ડિરેક્ટર્સ પર 1,400 કરોડના બેંક ઓફ ઈન્ડિયા હેઠળ ના 10 બેન્કના કન્સોર્ટિયમ સાથે ફ્રોડનો કેસ કર્યો : સીબીઆઈએ સોમવારે દિલ્હી અને સહારનપુર, બુલંદશહેર (ઉત્તર પ્રદેશ), અજમેર (રાજસ્થાન), પલવાલ (હરિયાણા) સહિતના અનેક શહેરોમાં કંપની અને તેના ડિરેક્ટર સહિતના આઠ સ્થળો પર તલાશી શરૂ કરી access_time 11:19 pm IST

  • જેતપુર: જેતપુરથી ગોંડલ તરફ વીજળી ના કડાકા ભડાકા - પવન સાથે વરસાદ તૂટી પડયો છે. આખો દિવસ બફારો રહ્યા બાદ મેઘરાજાનું આગમન થતાં ગરમીમાંથી રાહત મળી છે : શહેરમાં બપોર સુધી ભારે બફારા બાદ ૩:૪૫વાગ્યા થી વીજળી ના કડાકા ભડાકા સાથે વરસાદ તુટી પડયો હતો. વરસાદી પાણી રસ્તા ઉપર ફરી વળ્યા હતા access_time 4:21 pm IST