Gujarati News

Gujarati News

News of Monday, 21st September 2020

સાયબર ક્રાઇમના નાણાકીય છેતરપીંડીના બનાવમાં નાણા પરત મેળવી આપતી દેવભૂમિ દ્વારકા સાયબર ક્રાઇમ સેલ

ખંભાળિયા,તા. ૨૧: જીલ્લામાં સાયબર ક્રાઇમને લગતા બનાવમાં અરજદાર રાજકીશોર મહેન્‍દ્રભાઇ પાસવાન ધંધો-એનારી કંપનીમાં રે. મહાદેવ મંદિરની બાજુમાં યોગેશ્વરનગર, ધરમપુર તા. ખંભાલીયા સાથે થયેલ. ફ્રોડની તમામ રકમ પરત અરજદારશ્રીને અપાવી સરાહનીય કામગીરી કરેલ. આ કામની હકીકત એવી કે, અરજદારશ્રીએ ફલીપકાર્ટ કંપનીમાંથી ઓનલાઇન કપડા મંગાવેલ હતા. બાદમાં ઓર્ડર કરેલ વસ્‍તુ સમયસર ન આવતા. અરજદારશ્રીએ ઓનલાઇન ગુગલ સર્ચમાંથી ફલીપકાર્ટ કંપનીના કસ્‍ટમર કેર નંબર સર્ચ કરેલ. બાદમાં ગુગલ સર્ચમાંથી મળેલ સામાવાળના મોબાઇલ નંબરમાં કોલ કરી ઉપરોકત ઓર્ડરની હકીકત અરજદારશ્રી દ્વારા જણાવવામાં આવેલ. બાદમાં સામાવાળા દ્વારા રીફ્રન્‍ડની લાલચ આપી અરજદારશ્રીને મોબાઇલમાં ‘AnyDesk' એપ્‍લીકેશન ડાઉનલોડ કરાવી લીધેલ. એ રીતે સામાવાળને અરજદારશ્રીના મોબાઇલના એકસેસ મળી ગયેલ. બાદમાં સામાવાળએ અરજદારશ્રીના ક્રેડીક કાર્ડનો ઉપયોગ કરી ફ્રોડ ટ્રાન્‍ઝકેશન કરેલ હતા. જેમાં ટ્રાન્‍ઝેકશન ૧ . રૂા. ૪૧,૨૧૨/- ર. રૂા. ૪૯,૯૯૦ કુલ રકમ ૯૧,૨૦૨નું ફ્રોડ થયેલ હતું .જે બનાવમાં અરજદાર દ્વારા તાત્‍કાલીક સાયબર ક્રાઇમ સેલ. દેવભૂમિ દ્વારકાનો સંપર્ક કરતા સાયબર સેલ ટીમ દ્વારા આ બનાવમાં ભોગ બનનારને મદદરૂપ થઇ તાત્‍કાલીક જરૂરી પત્રવ્‍યવહાર તથા ટેકનીકલ રીસોર્સના આધારે ભોગ બનનારની કુલ રકમ ૯૧,૨૦૨ બેંક એકાઉન્‍ટમાં પરત મેળવી આપેલ છે.

(10:42 am IST)
  • કોરોનાના કહેર વચ્ચે નવા પોઝીટીવ કેસ કરતા સતત ત્રીજા દિવસે સ્વસ્થ થનારની સંખ્યા વધુ : રિકવરી રેઈટ 80 ટકા નજીક પહોંચ્યો : રાત્રે 11-30 વાગ્યા સુધીમાં નવા 82,559 પોઝીટીવ કેસ નોંધાયા : કુલ કેસનો આંક 54,80,779 થયો : 10.03,443 એક્ટીવ કેસ : વધુ 88,996 દર્દીઓ સાજા થતા કુલ 83,88,690 રિકવર થયા : વધુ 1093 લોકોના મોત સાથે મૃત્યુઆંક 87,867 થયો access_time 12:02 am IST

  • રાજકોટ શહેર અને જિલ્લામાં એક તરફ કોરોના સંક્રમણની સ્થિતિ ચિંતાજનક છે. ત્યારે છેલ્લાં 15 દિવસના આંકડાઓએ આરોગ્ય તંત્રને રાહત આપી છે. છેલ્લાં 15 દિવસ દરમિયાન રીકવરી રેટ 53 ટકાથી વધીને 76 ટકા પર પહોંચ્યો છે તેમ શ્રી ગુપ્તાએ જણાવ્યુ હતું. access_time 7:28 pm IST

  • સીબીઆઈ દ્વારા ડેરી - આઈક્રીમ નિર્માતા કંપની ક્વાલિટી લિમિટેડ અને તેના ડિરેક્ટર્સ પર 1,400 કરોડના બેંક ઓફ ઈન્ડિયા હેઠળ ના 10 બેન્કના કન્સોર્ટિયમ સાથે ફ્રોડનો કેસ કર્યો : સીબીઆઈએ સોમવારે દિલ્હી અને સહારનપુર, બુલંદશહેર (ઉત્તર પ્રદેશ), અજમેર (રાજસ્થાન), પલવાલ (હરિયાણા) સહિતના અનેક શહેરોમાં કંપની અને તેના ડિરેક્ટર સહિતના આઠ સ્થળો પર તલાશી શરૂ કરી access_time 11:19 pm IST