Gujarati News

Gujarati News

News of Wednesday, 21st March 2018

શાપરમાં લોખંડની ડેલી પડતાં ઘવાયેલા ૮ વર્ષના કિશનનું મોત

રાજકોટ તા. ૨૧: શાપર વેરાવળમાં  રમી રહેલા આઠ વર્ષના બાળક પર લોખંડની ઝાપલી પડતાં ઇજા થતાં સારવાર હેઠળ હતો. તેનું મોત નિપજતાં પરપ્રાંતિય પરિવારમાં શોક છવાઇ ગયો છે.

શાપરમાં લિયાન્સ ઇન્ડસ્ટ્રીઝ પાસે રહેતાં અને કારખાનામાં મજૂરી કરતાં પ્યારેલાલ યાદવ નામના પરપ્રાંતિય યુવાનનો પુત્ર કિશન (ઉ.૮)૧૯મીએ સવારે કારખાના નજીક રમતો હતો ત્યારે અકસ્માતે લોખંડની ડેલી માથે પડતાં ગંભીર ઇજા થતાં રાજકોટ સિવિલ હોસ્પિટલમાં ખસેડાયો હતો. પરંતુ અહિ ગત રાત્રે મોત નિપજ્યું હતું. હોસ્પિટલ ચોકીના જગુભા ઝાલા અને ધીરેનભાઇ ગઢવીએ કાગળો કરી શાપર પોલીસને જાણ કરી હતી.

(11:28 am IST)
  • રાજકોટમાં પવનની ઝડપમાં વધારો : ગરમીમાં ઘટાડો :બપોરે ૧:૩૦ વાગ્યાની આસપાસ ૨૪ કિ.મી.ની ઝડપે અને એવરેજ ૧૬ કિ.મી.ની ગતિએ પવન ફૂંકાઈ રહ્યા છે : ૩૩.૬ ડિગ્રી તાપમાન : ગરમીમાં ઘટાડો થતા આંશિક રાહત access_time 4:23 pm IST

  • આજે ગણિતની પરીક્ષા હતી. બીજા સ્ટુડન્ટનીની જેમ અંધજન સ્કૂલના સ્ટુડન્ટ વિઘ્નેશ પાઠકે પણ ગણીતના દાખલા ઉકેલ્યા હતાં. જો કે વિઘ્નેશ બીજા સ્ટુડન્ટ કરતાં જુદો પડે છે કેમ કે એમણે ક્યારેય આંકડાઓ જોયા જ નથી, માત્ર અનુભવ્યા છે. વિઘ્નેશ સંપૂર્ણ અંઘ છે, બ્રેઇલ લીપીથી દાખલાઓ ગણીને બોર્ડની પરીક્ષા આપી હતી. જેથી આવી ઘટના સમગ્ર ગુજરાતમાં પ્રથમવાર બની છે. access_time 1:49 am IST

  • હત્યા-ફાયરીંગ પ્રકરણમાં મોરબી ભાજપ અગ્રણી સહિતના આરોપીઓના આશ્રય સ્થાનો ઉપર દરોડાઃ પંચાસર સ્થિત નિવાસ સ્થાને અને અન્ય સ્થળો ઉપર પોલીસ ત્રાટકીઃ કોઈ સગળ ન મળતા કોલ ડીટેઈલના આધારે તપાસ access_time 3:58 pm IST