Gujarati News

Gujarati News

News of Thursday, 8th November 2018

કોડિનાર: 16 વર્ષની છોકરીની હત્યાનો ભેદ ખૂલ્યો, પિતા-પુત્રની ધરપકડ

રાજકોટ: કોડિનારમાં 16 વર્ષની છોકરીને ચાકૂના 37 ઘા ઝીંકીને મોતને ઘાટ ઉતારનારા સગા બાપ-દીકરાને પોલીસે ગણતરીના કલાકોમાં જ ઝડપી લીધા છે. પોલીસના જણાવ્યા અનુસાર, મૃતક કિશોરીની હત્યા કરનારો કશ્યપ પુરોહિત તેની સાથે જ અભ્યાસ કરતો હતો, પરંતુ તેણે તાજેતરમાં જ ભણવાનું છોડી દીધું હતું. પોલીસને શંકા હતી કે મૃતક પર રેપ થયો હોઈ શકે છે, જોકે પીએમ રિપોર્ટમાં તેની શક્યતા નકારી દેવાઈ હતી.

હત્યારો કશ્યપ મૃતક વિનિશા ઠક્કરના એક તરફી પ્રેમમાં હતો. તે વિનિશા સમક્ષ પોતાના પ્રેમનો પ્રસ્તાવ પણ મૂકી ચૂક્યો હતો, જેને વિનિશાએ ફગાવી દીધો હતો. 5 નવેમ્બરે સાંજે કશ્યપે ધરતી જયપ્રકાશ નામની એક યુવતીની મદદથી વિનિશાને બહાર બોલાવી હતી. તે વખતે ઉના બાયપાસ રોડ પર આવેલા શિવ મંદિર નજીક તેણે વિનિશા સમક્ષ ફરી પ્રેમનો પ્રસ્તાવ મૂક્યો હતો.

જોકે, વિનિશાએ તેને ફગાવી દેતા ઉશ્કેરાઈ ગયેલા કશ્યપે ચાકૂના ઘા મારીને વિનિતાની હત્યા કરી નાખી હતી. આ ઘટનાની જાણ તેના પિતાને થતાં તેમણે પણ પુરાવાનો નાશ કરવાનો પ્રયાસ કર્યો હતો, અને જે હથિયારથી વિનિતાની હત્યા કરાઈ હતી તેને છૂપાવી દીધું હતું. એટલું જ નહીં, વિનિશાના પરિવારજનો જ્યારે તેને શોધવા કશ્યપના ઘરે આવ્યા ત્યારે તેમણે તે ત્યાં આવી હોવાનો ઈનકાર કરી દીધો હતો.

વિનિશાના પરિવારજનોને કોઈ શંકા ન જાય તે માટે કશ્યપનો પરિવાર પણ તેને શોધવા માટે તેમની સાથે જોડાયો હતો. પોલીસે આ મામલે કશ્યપ, તેના પિતા તેમજ વિનિશાને બહાર બોલાવનારી યુવતીની પણ ધરપકડ કરી છે. મૃતકનો પરિવાર હત્યારાના પરિવારને સારી રીતે ઓળખતો હતો. કશ્યપના પિતા વિનિશાના ઘરે પૂજાપાઠ કરવા પણ જતા હતા.

(2:37 pm IST)
  • દિવાળીના તહેવારોમાં સ્ટેચ્યુ ઓફ યુનિટી ખાતે પ્રવાસીઓનો ધસારો : 2 દિવસમાં 70 લાખની આવક આજથી લેસર શો શરૂ નવા વર્ષના પ્રથમ દિવસે 20 હજાર પ્રવાસીઓના આગમનનું અનુમાન. આજે 4 વાગ્યા સુધીમાં 16,036 પ્રવાસીઓ નોંધાયા. પ્રવાસીઓના ઘસારાને ધ્યાને રાખી 5 વાગ્યે ટિકીટ કાઉન્ટર કરાયું બંધ. દિવાળીના દિવસે 11,219 પ્રવાસીઓએ લીધી હતી મુલાકાત. નિગમને છેલ્લા 2 દિવસમાં 70 લાખથી વધુની થઇ આવક. પ્રવાસીઓ માટે બસની સુવિધા પણ પડી ઓછી. સ્ટેચ્યુ ઓફ યુનિટી ખાતે આજથી લેસર શો કરાયો શરૂ. આજે 6.30 થી 8 વાગ્યા સુધી યોજાશે લેસર શો. access_time 6:42 pm IST

  • ભાઈબીજે પેટ્રોલ ડીઝલના ભાવમાં થશે ઘટાડો :પેટ્રોલમાં 15 પૈસાનો લિટરે કરાશે ઘટાડો :ડીઝલ પણ 15 પૈસા થશે સસ્તું ;છેલ્લા કેટલાય દિવસોથી ઇંધણના ભાવમાં ઘટાડો થતો લોકોને રાહત :વૈશ્વિક બજારમાં ક્રૂડના ઘટતા ભાવનો ગ્રાહકને મળતો ફાયદો access_time 10:56 pm IST

  • રાજકોટ : ગોંડલ તાલુકાની ગોમટા ચોકડી પાસે છકડો રીક્ષા પલ્ટી:રીક્ષામાં સવાર 7 વ્યક્તિઓને ઈજા : ઈજાગ્રસ્તોને ગોંડલ સરકારી હોસ્પિટલમાં સારવાર અર્થે ખસેડવામાં આવ્યા : રીક્ષા ચાલક બનાવના સ્થળે રીક્ષા મૂકીને ફરાર access_time 7:08 pm IST