Gujarati News

Gujarati News

News of Friday, 20th November 2020

ઉપલેટાના મેખાટીંબી ગામે ખનિજ ચોરોનો ભોગ બનતા સરપંચ

ઉપલેટા, તા.ર૦ : અહીથી પસાર થતી ભાદર-મોજ અને વેણુ નદીમાંથી દરરોજની લાખો રૂપિયાની ખનિજ ચોરી થાય છે. ખનિજચોરોને જાણે ખુલ્લો પરવાનો હોય તેમ રાત દિવસ ઉપલેટાની નદીમાંથી બેફામ રેતીની ચોરી થાય છે. ગામડાનો કોઇ આગેવાન પ્રતિકાર કરે તો તેમની ઉપર હુલો કરવામાં આવે છે અથવા કારાવવામાં આવે છે.

આવો જ બનાવ મેખાટીંબી ગામના સરપંચ ઉપર બનેલ છે. આજુબાજુ સરપંચ મેખાટીંબીથી ઉપલેટા બાજુ આવતા હતાં ત્યારે ખનિજ ચોરોએ તેઓને રસ્તામાં રોકી ઢોરમાર મારી ગંભીર હાલતમાં ફેંકી દેવા તેમને ઉપલેટા કોટેજ હોસ્પિટલમાં દાખલ કરવામાં આવેલ હતા. આ અંગે ખનિજ ચોરોનો ભોગ બનનાર મેખાટીંબીના સરપંચ દેવાભાઇ ભારાઇએ જણાવેલ હતું કે અમારા ગામમાંથી દિવસે અને રાત્રે રેતી ચોરી થતી હોય આ અંગે મે અવાર-નવાર લાગતા વળગતાઓને ધ્યાન દોરી આ રેતી ચોરી બંધ કરાવવાની માંગણી કરતા તેમનાથી ઉશ્કેરાઇને મયુર ભીખા તથા રાજ નારણ નામના બે વ્યકિતએ મેખાટીંબી રોડ ઉપર મને રોકી માર મારતા ગંભીર હાલતમાં ઉપલેટા કોટેજ હોસ્પિટલમાં સારવાર માટે દાખલ કરાયેલ છે. સરપંચ દેવાભાઇ ભારાઇએ ઉપરોકત આરોપી સામે ઉપલેટા પોલીસમાં ફરીયાદ નોંધાવેલ છે.

(11:11 am IST)
  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST

  • આંધ્રમાં 25 સ્થળોએ સીબીઆઈ ત્રાટકી:આંધ્ર પ્રદેશમાં સીબીઆઈએ ૨૫ સ્થળો ઉપર સર્ચ ઓપરેશન હાથ ધર્યું છે. આ સર્ચ ઓપરેશનમાં તેલુગુ દેશમ પાર્ટીના ભૂતપૂર્વ ધારાસભ્યનો પણ સમાવેશ થાય છે access_time 11:12 pm IST

  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST