Gujarati News

Gujarati News

News of Tuesday, 20th April 2021

જેતપુરનાં મેવાસામાં સમસ્‍ત ખાંટ રાજપુત સમાજ આયોજીત રામનવમી મહોત્‍સવ મોકુફ

રાજકોટ તા. ર૦: સમસ્‍ત ખાંટ રાજપુત સમાજના આસ્‍થાની જગ્‍યા અને સમાજના સંત શિરોમણી ભકત શ્રી રામબાપાની જગ્‍યા મેવાસા મુકામે દર વર્ષે રામનવમી મહોત્‍સવ ઉજવાય છે. જેમાં ભજન, ભોજન સાથે દિવસ દરમિયાન હોમ, હવન, સત્‍યનારાયણ ભગવાનની કથા લોકોના મનોરંજન માટે ભવ્‍ય લોકમેળો તેમજ રાત્રે નામી કલાકારો દ્વારા ભવ્‍ય સંતવાણી કાર્યક્રમો ઉજવાય છે.

જેમાં હજારોની સંખ્‍યામાં ખાંટ રાજપૂત સમાજના જ્ઞાતિ બંધુઓ તેમજ અન્‍ય સમાજના લોકો મોટી સંખ્‍યામાં આસ્‍થા પૂર્વક રામનવમી ઉજવવા હાજરી આપે છે. પરંતુ હાલ કોરોના વાયરસના વૈશ્‍વિક સંકટને કારણે આપણા ભારત તથા રાજય પર પણ આ મહામારીનું સંકટ છે. ત્‍યારે વાયરસના ફેલાવાને અટકાવવા રાષ્‍ટ્રહિતમાં પોતાનો ક્ષત્રિય ધર્મ નિભાવતા સરકારશ્રીના નિર્ણયને સહર્ષ સ્‍વીકારી પ્રજાહિતાર્થે આ વર્ષે ઉજવણીનો કાર્યક્રમ સમસ્‍ત ખાંટ રાજપુત સમાજ દ્વારા મોકુફ રાખવામાં આવેલ છે. તેમજ લોકોની સુખાકારી અને સારા સ્‍વાસ્‍થય માટે સત્‍વરે આ મહામારીનો અંત આવે એવી ભગવાનશ્રી રામને સમસ્‍ત ખાંટ રાજપૂત સમાજ પ્રાર્થના કરી છે. તેમ ભુપતભાઇ કે. સોલંકી - પ્રમુખ તથા ઉત્‍સવ સમિતિ ભકતશ્રી રામબાપાની  જગ્‍યા  મેવાસા ની  એક  યાદીમાં જણાવાયું છે. 

(10:24 am IST)
  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST

  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • કેન્દ્રીય આરોગ્યમંત્રી ડો. હર્ષવર્ધનની જાહેરાત : COVID19 પ્રધાનમંત્રી ગરીબ કલ્યાણ પેકેજ (PMGKP) હેઠળની વીમા યોજના, આરોગ્ય સેવા આપતા કર્મચારીઓ માટે આજથી વધુ 1 વર્ષ માટે લંબાવવામાં આવી છે. access_time 11:31 pm IST