Gujarati News

Gujarati News

News of Saturday, 20th April 2019

પોરબંદર ખારવા સમાજ દ્વારા ભાજપને સમર્થનઃ ખારવાવાડમાં વિશાળ રેલી નિકળી

પોરબંદર, તા., ૨૦: ખારવા સમાજના આગેવાનોની મળેલી મીટીંગમાં ખારવા સમાજ દ્વારા ચુંટણીમાં ભાજપને સમર્થન આપવાનું નક્કી કરવામાં આવ્યું છે. પોરબંદર લોકસભા બેઠક ઉપર ચુંટણી લડતા રમેશભાઇ ધડુકના ટેકામાં ખારવા સમાજની વિશાલ રેલી ખારવાવાડમાંથી નીકળી હતી.

રાજયસભાના સાંસદ ચુનીભાઇ ગોહેલના નેતૃત્વમાં ખારવા સમાજની સમસ્યા નવુ ફેઇઝ-ર બંદર ડ્રેજીંગ વિગેરે જેવા મહત્વના પ્રશ્નોના ઉકેલ માટે મુખ્યમંત્રી વિજયભાઇ રૂપાણીએ ખાત્રી આપેલ હતી. તે બદલ ગોંડલના પુર્વ ધારાસભ્ય જયરાજસિંહ જાડેજા અને ઉમેદવાર રમેશભાઇ ધડુકના પુત્ર સાવનભાઇ ધડુક, રાજભા જેઠવાવિગેરે સમસ્ત ખારવા સમાજની પંચાયત મંદિર મઢીમાં પધારેલ. જેમનું વાણોટશ્રી ઉપપ્રમુખશ્રી તથા પંચ પટેલ ટ્રસ્ટીશ્રીઓ દ્વારા હાર પહેરાવી અને પુષ્પ ગુચ્છથી સ્વાગત કરેલ હતું. મીટીંગમાં સમસ્ત ખારવા સમાજ અંતર્ગત વિવિધ એસોસીએશન અને સંસ્થાઓએ ભાજપના લોકસભાના ઉમેદવાર રમેશભાઇ ધડુકને ટેકો આપવાનું જાહેર કરેલ છે. પોરબંદર સમસ્ત ખારવા સમાજનો ભાજપનો ખુલ્લો ટેકો જાહેર કરેલ અને હજારોની સંખ્યામાં ખારવા સમાજના ભાઇઓ અને બહેનોએ ખારવા વાડમાં વિશાળ રેલી નિકળી હતી.

(3:48 pm IST)
  • હાર્દિક પર હુમલા અંગે સોશ્યલ મીડિયામાં ઉલટા-સુલટા મેસેજો ફરતા થયા : હાર્દિક પર હુમલો ભાજપના પ્રમુખ જીતુ વાઘાણીએ કરાવ્યાના સોશ્યલ મીડિયામાં ફરતા થયેલા સમાચાર બાદ હુમલો હાર્દિકે ખુદ પોતાના પર કરાવ્યાના પણ અહેવાલો ફરતા થયા : પોલીસ અધિકારીઓએ પ્રાથમિક તપાસમાં હજુ આવી કોઈ બાબત સામે આવ્યાનું નકાર્યુ access_time 3:54 pm IST

  • ચૂંટણી પંચ આકરા પાણીએ : વડાપ્રધાન મોદી પર બનેલી ફિલ્મ પર રોક લગાવ્યા બાદ, હવે PM પર બનેલી વેબ સિરીઝ ' મોદી - જર્ની ઓફ આ કોમન મેન ' પર પણ રોક લગાવી : ઇરોઝ કમ્પની દ્વારા બનાવાયેલ આ વેબ સિરિઝના પાંચેય ભાગ ઈન્ટરનેટ પરથી દૂર કરવા કર્યો આદેશ. access_time 5:15 pm IST

  • શહિદ પોલીસ અધિકારી હેમંત કરકરે વિરૂધ્ધ નિવેદન અંગે સાધ્વી પ્રજ્ઞાને પણ ચુંટણી પંચે નોટીસ આપી : સાધ્વી પ્રજ્ઞાસિંહ ઠાકુરની પોતાના નિવેદન પર સ્પષ્ટતાઃ સત્ય સામે જરૂર આવે છેઃ દેશ વિરોધી-ધર્મવિરોધી લોકો પોતાના અંતની ચિંતા કરેઃ મને ૯ વર્ષ સુધી જેલમાં રાખવામાં આવીઃ સાધ્વીના અંતની વાત ના કરે access_time 4:01 pm IST