Gujarati News

Gujarati News

News of Wednesday, 20th January 2021

સાસરિયાએ ત્રાસ આપતા મહિલાએ ફરિયાદ નોંધાવી

રાજકોટમાં સ્ત્રી શોષણનો વધુ એક બનાવ : રાજકોટના ઓમ નગરમાં રહેતી મહિલાએ પોતાના જેઠ-જેઠાણીએ પતિ તેમજ પોતાના નણંદ વિરુદ્ધ ફરિયાદ નોંધાવી

રાજકોટ,તા.૨૦ : રાજકોટ શહેરમાં વધુ એક સ્ત્રી પર શારીરિક અને માનસિક ત્રાસ ગુજારવામાં આવ્યો હોવાની ફરિયાદ પોલીસ મથકમાં નોંધાઇ છે. રાજકોટ શહેરના ઓમ નગરમાં રહેતી મહિલાએ પોતાના જેઠ-જેઠાણી પોતાના પતિ તેમજ પોતાના નણંદ વિરુદ્ધ ફરિયાદ નોંધાવી છે. રાજકોટ શહેરમાં દિવસે ને દિવસે સ્ત્રીઓ ઉપર થતાં અત્યાચારની સંખ્યામાં વધારો જોવા મળી રહ્યો છે. ત્યારે રાજકોટ શહેરના મહિલા પોલીસ મથકમાં ભાવનાબેનને ફરિયાદ નોંધાવતા જણાવ્યું છે કે, તેમના લગ્ન શિવલાલ અગ્રાવત સાથે થયા છે. લગ્ન થયાના બે વર્ષ બાદ સાસરિયાઓએ તેને ત્રાસ આપવાનું શરૂ કર્યું હતું. મારા જેઠ જેઠાણી મારા પતિને કહેતા હતા કે તારી પત્ની ને તો કામવાળી તરીકે જ ઘરમાં રાખજે. તેમજ કોઈપણ જગ્યાએ સારો કે ખરાબ પ્રસંગ હોય તો તેને લઈને ત્યાં ન આવતો. જો તું તારી પત્ની ને ત્યાં લઈને આવીશ તો હું નહિ આવું એવું તું તારી પત્નીને કહેજે. જે અંતર્ગત મારા પતિ મને સારા કે માઠા પ્રસંગે મને બહાર ન લઈ જતા.

       તો સાથે જ મારા નણંદ પણ મારા પતિને મારી વિરુદ્ધ ભડકાવતા હતા. મારા નણંદ મારા પતિ ને કહેતા હતા કે, શિવા તું ઘરે આવી જા એ ભલે એકલી રહે. જેના કારણે મારા પતિ મારી સાથે અવારનવાર ઝઘડો કરતા હતા. મને ગાળો આપી મારી સાથે મારકૂટ પણ કરતા તેમજ કરિયાવરની માગણી કરી ત્રાસ પણ આપતા હતા. ત્યારે રાજકોટ શહેરના મહિલા પોલીસે મહિલાની ફરિયાદ ઉપરથી તેના પતિ શિવલાલ અગ્રાવત, જેઠ મનુભાઈ અગ્રાવત, જેઠાણી ગીતાબેન અગ્રાવત તેમજ નણંદ જયા નિમાવત સામે ફરિયાદ નોંધી છે. ત્યારે પોલીસે તમામ આરોપીઓ વિરૂદ્ધ આઈપીસીની કલમ ૩૨૩, ૫૦૪, ૧૧૪ તેમજ દહેજ ધારાની કલમ ૩ અને ૪ મુજબ ગુનો દાખલ કરી વધુ તપાસ હાથ ધરી છે.

(9:10 pm IST)
  • ભારતે મોકલેલ વેક્સીનનો જથ્થો ભૂટાનમાં આવી પહોંચ્યો access_time 5:09 pm IST

  • ' ખેતી કા ખૂન ' : કોંગ્રેસના પૂર્વ અધ્યક્ષ રાહુલ ગાંધીએ બુકલેટ લોન્ચ કરી : નવા કૃષિ કાનૂનથી સમગ્ર દેશની ખેતી ઉપર ચારથી પાંચ કોર્પોરેટ ક્ષેત્રોનો કબજો આવી જશે : પત્રકાર પરિષદમાં સંબોધન કર્યું access_time 8:58 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,183 કેસ નોંધાયા :કુલ કેસની સંખ્યા 1,06,10,632 થઇ :એક્ટિવ કેસ 1,90,498 થયા: વધુ 17,751 દર્દીઓ સ્વસ્થ થતા કુલ 1,02,62,843 થયા :વધુ 132 લોકોના મોત સાથે કુલ મૃત્યુઆંક 1,52,886 થયા access_time 1:13 am IST