Gujarati News

Gujarati News

News of Tuesday, 19th November 2019

બેસણામાં ગયેલા બાંટવાના પરિવારના બંધ મકાનમાં તસ્કરોનો તરખાટ

સામાન વેરવિખેર કરી રૂ. ર૦ હજાર ચોરી ગયા

જુનાગઢ તા. ૧૯: માણાવદર નજીકનાં બાંટવા ખાતે આશિર્વાદ સોસાયટીમાં રહેતા રજનીકાંત ઉર્ફે રાજુભાઇ ચુનીલાલ જોશી તેમના પરિવાર સાથે તા. ૧૭ની સાંજે કેશોદ ખાતે બેસણામાં ગયા હતા.

ત્યારે આ વિપ્ર પરિવારનાં બંધ મકાનની પાછળથી રસોડાનાં દરવાજામાં કાણુ પાડી બારણાનો નકુચો ખોલી તસ્કરો પ્રવેશ્યા હતા.

બાદમાં ઘરનો સામાન વેરવિખેર કરી કબાટમાં રાખેલ રૂ. ર૦ હજારની રોકડ ચોરીને તસ્કરો નાસી ગયા હતા.

ગઇકાલે રાત્રે ૯ વાગ્યે પરત ફરતાં રજનીકાંત જોશીને તેમનાં ઘરમાં ચોરી થઇ હોવાનું માલુમ પડયું હતું.

આ અંગેની જાણ થતાં બાંટવાનાં પી.એસ.આઇ. એ. કે. પરમાર તાત્કાલિક સ્ટાફ સાથે દોડી ગયા હતા અને ફરિયાદ લઇ ચોરીની તપાસનો ધમધમાટ શરૂ કરી દીધો હતો.

(1:04 pm IST)
  • સ્વાતંત્ર્ય સેનાની વીર સાવરકરને " ભારત રત્ન " ખિતાબ આપવા માટે કોઈની ભલામણની જરૂર નથી : અમે સત્તા ઉપર આવશું તો વીર સાવરકરને ભારત રત્ન ખિતાબથી નવાજશું : મહારાષ્ટ્રમાં ચૂંટણી સમયે ભાજપે કરેલી ઘોષણાં બાદ સત્તા નહીં મળતા સંસદમાં જવાબ access_time 8:22 pm IST

  • અમેરિકાનું એરપોર્ટ ખાલી કરાવાયું : શંકાસ્પદ પેકેટ મળી આવતા અમેરિકાનું એક એરપોર્ટ આખું ખાલી કરાવાયું. ફ્લોરિડામાં આવે ડેટોના બીચ ઇન્ટરનેશનલ એરપોર્ટમાંથી એક શંકાસ્પદ પેકેજ મળી આવતા એરપોર્ટ ખાલી કરાવવામાં આવ્યું છે. access_time 6:06 pm IST

  • રાજકોટમાં ચાંદી રૂ.૬૦૦ ઉછળી, સોનું રૂ.૧૦૦ વધ્યું : હોંગકોંગમાં છેલ્લા દોઢ મહિનાથી ચાલી રહેલાં આંતરિક અસંતોષમાં ચીનની દખલગીરી સામે અમેરિકાએ વાંધો ઉઠાવતાં વિશ્વબજારમાં સોનું-ચાંદી ઉછળ્યા : લોકલ માર્કેટમાં ચાંદીનો ભાવ કિલોનો રૂ.૪૬૦૫૫ અને સોનું ૧૦ ગ્રામનો ભાવ રૂ.૩૯,૪૦૦. access_time 6:08 pm IST