Gujarati News

Gujarati News

News of Thursday, 19th July 2018

પતિના બાઇક પાછળથી પડી જતાં ધોરાજીના મુમતાઝબેનનું મોત

રાજકોટની હોસ્પિટલમાં દમ તોડ્યોઃ ચાર સંતાન મા વિહોણા

રાજકોટ તા. ૧૮: ધોરાજીના મુસ્લિમ મહિલાનું પતિના બાઇક પાછળથી પડી જતાં મોત નિપજતાં પરિવારમાં માતમ છવાઇ ગયો છે.

જાણવા મળ્યા મુજબ ધોરાજીની અંટાળા શેરીમાં રહેતાં મુમતાઝબેન યુસુફભાઇ વાઢા (ઉ.૩૫) તા. ૧૭ના રોજ પતિ યુસુફભાઇ ઇસ્માઇલભાઇ વાઢા સાથે જુનાગઢ સગાના ઘરે આટો મારવા ગયા હતાં. ત્યાંથી પરત ધોરાજી આવતી વખતે જાલસણા રોડ પર કુતરૂ આડે આવતાં યુસુફભાઇએ કાબુ ગુમાવતાં પાછળથી પત્નિ મુમતાઝબેન પડી જતાં ગંભીર ઇજા થઇ હતી. યુસુફભાઇને પણ પગમાં ઇજા થઇ હતી. મુમતાઝબેનને જુનાગઢ, ધોરાજી સારવાર અપાવી વધુ સારવાર માટે રાજકોટ સિવિલ હોસ્પિટલમાં ખસેડાયા હતાં. પરંતુ અહિ ગત રાત્રે તેમનું મોત નિપજ્યું હતું.

હોસ્પિટલ ચોકીના જગુભા ઝાલા અને રવિભાઇ ગઢવીએ ધોરાજી પોલીસને જાણ કરી હતી. મૃત્યુ પામનારને સંતાનમાં ત્રણ પુત્ર અને એક પુત્રી છે. બનાવથી પરિવારજનોમાં માતમ છવાઇ ગયો છે.

(11:44 am IST)
  • આઈએએસ અધિકારીઓ પર કેન્દ્ર સરકારનું દબાણ:રાજ્ય સરકારના પગલાં અને નિર્ણયોને અવરોધવા આઈએએસ અધિકારીઓ પર કેન્દ્ર સરકાર દબાણ કરતી હોવાનો દિલ્હીના નાયબ મુખ્ય મંત્રી મનીષ સિસોદિયાનો આક્ષેપ access_time 1:02 am IST

  • દેશના ટોચના સામાજિક કાર્યકર્તા સ્વામી અગ્નિવેશ સાથે મારકૂટ કરવાના મામલે આઠ લોકો સામે ગુન્હો દાખલ :ભાજપ કિશાન મોરચાના પ્રદેશ મંત્રી અનંત તિવારી,ભાજપ યુવા મોરચાના જિલ્લા અધ્યક્ષ પ્રસન્ના મિશ્રા,ભજપના જિલ્લા મહામંત્રી બલરામ ડૂબે,પાકુડના જિલ્લા મંત્રી ગોપી ડૂબે,બજરંગદળના પિન્ટુ મંડળ,અશોક પ્રસાદ,શિવકુમાર સાહા અને બદલ મંડળના નામનો સમાવેશ access_time 1:07 am IST

  • સાબરકાંઠા: વિદ્યાર્થીઓને મળતી શિષ્યવૃત્તિમાં ગોટાળાને લઈને ACBના દરોડા access_time 8:50 pm IST