Gujarati News

Gujarati News

News of Tuesday, 19th January 2021

કચ્છનાં કિડાણામાં અથડામણ બાદ ચુસ્ત પોલીસ બંદોબસ્ત : ૪૦ની અટકાયત

એક શ્રમજીવીનું મોત આ બબાલમાં થયુ કે અન્ય કોઇ કારણથી ? તે દિશામાં તપાસ

ભુજ,તા. ૧૯:કચ્છમાં મુંદ્રાના કિડાણા ગામમાં રામ મંદિર નિધિની રથયાત્રા પર લઘુમતીઓ દ્વારા પથ્થરમારો કરાયા બાદ ફાટી નીકળેલા કોમી દંગલ અને વાહનો સળગવાની ઘટના બાદ કિડાણાના હનુમાન મંદિર ખાતે વીએચપી, મંદિરના મહંત તેમજ હિન્દૂ સમાજના અગ્રણીઓ એકત્ર થયા હતા જેઓમાં આક્રોસ જોવા મળ્યો હતો. ઘટનાની ગંભીરતાને ધ્યાને રાખીને પોલીસ નો ચુસ્ત બંદોબસ્ત ગોઠવી દેવાયો છે, પોલીસે આ મામલે ૪૦ જેટલા લોકોની અટકાયત કરી હતી.

કચ્છ એસપી મયુર પાટીલે જણાવ્યું હતું કે કિરાણા ગામે બનાવ બન્યો છે તેમાં ત્રણ ફરિયાદો નોંધવામાં આવી છે. પોલીસે કાયદેસરની કાર્યવાહી હાથ ધરી છે. તમામ સંવેદનશીલ જગ્યાએ પોલીસ બંદોબસ્ત ગોઠવી દેવામાં આવ્યો અને રાઉન્ડઅપ કરવાની કામગીરી ચાલી રહી છે. ૪૦ લોકોને રાઉન્ડઅપ કરવામાં આવ્યા છે.

આ ઘટનામાં પોલીસને પણ ઈજાઓ થઈ છે. ભગવાન રામ મંદિરના મંદિરનો ફાળો ઉઘરાવવા નીકળેલા લોકો એ ભગવાન રામનો સુત્રોચાર કરતા અને ડીજે વગાડતા મસ્જિદમાંથી કેટલાક લઘુમતીઓ દ્વારા પથ્થરમારો કરાતા તોફાનો ફાટી નીકળ્યા હતા જેમાં એક શ્રમજીવીનું મોત થવા સાથે પોલીસને પણ ઇજા થઇ હતી.

આ બબાલમાં એક શ્રમજીવીનું મોત થયું હતુ કે અન્ય કોઇ કારણથી ? તે દિશામાં પોલીસે તપાસ શરૂ કરી છે.

(11:52 am IST)
  • પશ્ચિમ બંગાળમાં કેન્દ્રીય મિનિસ્ટર દેબાશ્રી ચૌધરીના રોડ શો દરમિયાન ભાજપ કાર્યકરો ઉપર પથ્થરમારો : ભાગદોડ અને તનાવ વચ્ચે ચૂંટણી વાતાવરણ ગરમાયુ : હુમલાખોરો ના હાથમાં ટીએમસીના ધ્વજ હોવાનો આક્ષેપ access_time 6:49 pm IST

  • ખુલ્લેઆમ દાદાગીરી : રાજસ્થાનના જયપુરમાં માસ્ક પહેર્યા વિના બેઠેલા યુવકને નિર્ભયા સ્ક્વોડની મહિલા કોન્સ્ટેબલે ટોકતા નાક ઉપર ઘુસ્તો મારી દીધો : નાકનું હાડકું તોડી નાખ્યું : યુવકની ધરપકડ કરી ફરજમાં રૂકાવટનો કેસ દાખલ કરાયો access_time 7:05 pm IST

  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST