Gujarati News

Gujarati News

News of Tuesday, 19th January 2021

૧૮ લાખનું વિજ બીલ ચડત થઇ જતા જોડિયામાં ૧ મહિનાથી સ્ટ્રીટલાઇટ બંધ

(હિતેશ રાચ્છ દ્વારા) વાંકાનેર, તા.૧૯: જામનગર જિલ્લાના જોડિયા તાલુકામાં જોડિયા શહેરમાં આજે એક મહિનાથી જોડિયા ગામમાં સ્ટ્રીટલાઈટો બંધ છે. ગામની મુખ્ય બઝારમાં તેમજ શેરી ગલીઓમાં આખા ગામમાં એક મહિનાથી સ્ટ્રીટલાઈટ બંધ હોવાથી ગ્રામજનો પરેશાની ભોગવી રહયા છે.

જોડિયા શ્રી ગ્રામ પંચાયતના સરપંચશ્રીના સંપર્ક કરતા તેવોએ જણાવેલ કે ઉપરથી જ સરકારશ્રી દ્વારા ગ્રાન્ટ મળવી જોઈ જ નહીં મળતા જોડિયા જી. ઈ.બી.ના ગ્રામ પંચાયતના અઢાર લાખ રૂપિયા ચડત થઈ જતા આજે એક માસ થી જોડિયામાં સ્ટ્રીટલાઈટ બંધ છે તેમજ આ અંગે જોડિયા ગ્રામ પંચાયત દ્વારા મુખ્યમંત્રી શ્રી વિજયભાઈ રૂપાણી , તેમજ ઉચ્ચ અધિકારી ને લેખિત રજુવાત કરવામાં આવેલ છે તેમ સરપંચશ્રી નયનાબેન વર્માએ જણાવેલ.

હાલ તો આજે એક માસથી જોડિયામાં અંધારપટ છે. મોટી ઉંમરના લોકો રાત્રે પડી પણ જાય છે . આ છે જોડિયા તાલુકાની દૂર્દશા વહેલી તકે જોડિયા શહેરમાં સ્ટ્રીટલાઈટ શરૂ થાય એવી જોડિયાના નગરજનોની બુલંદ માંગણી ઉઠેલ છે.

(12:02 pm IST)
  • રાજકોટની કોટેચા હાઈસ્કુલના પ્રિન્સીપાલ સહિત ૩ કર્મચારીઓ કોરોના સંક્રમિત : તમામ આઈસોલેટેડ : ધો.૧૦-૧૨ના વિદ્યાર્થીઓ માટે સ્કુલ શરૂ થતાં જ કોરોનાનો ફફડાટ : શહેર - જીલ્લામાં મળી હાઈસ્કુલોમાં કુલ ૬ કર્મચારીઓ કોરોનાની ઝપેટમાં access_time 6:25 pm IST

  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસ 2 લાખથી ઓછા : સતત ઘટાડો : રાત્રે 12 વાગ્યા સુધીમાં કોરોનાના નવા 9972 કેસ નોંધાયા :કુલ કેસની સંખ્યા 1,05, ,82,647 થઇ :એક્ટિવ કેસ 1,97,818 થયા: વધુ 17,116 દર્દીઓ સ્વસ્થ થતા કુલ 1,02,27,852 થયા :વધુ 137 લોકોના મોત સાથે કુલ મૃત્યુઆંક 1,52,593 થયા access_time 1:08 am IST