Gujarati News

Gujarati News

News of Wednesday, 18th July 2018

પાટણના માનપુર ગામ પાસે ટ્રેન નીચે ઝંપલાવી પ્રેમી પંખીડાનો આપઘાત

પાટણ તા.૧૮: પાટણ જિલ્લાના સાંતલપુર નજીકના માનપુર ગામના પાટીયા પાસે ધસમસતી રેલ્વે પસાર થઇ રહી હતી ત્યારે એક યુવાન અને એક સ્ત્રીએ ટ્રેન નીચે પડતું મુકી આપઘાત કરી લેતા સનસનાટી મચી જવા પામી હતી. યુવકનું માથું ધડથી અલગ થઇ જવા પામ્યું હતું. બન્ને પ્રેમી પંખીડાનું ઘટના સ્થળે જ મૃત્યુ થવા પામ્યું હતું. વહેલી સવારે બનેલા આ કમકમાટીભર્યા બનાવની જાણ થતાં પોલીસને જાણ કરાઇ હતી.

મૃતક સાંતલપુર તાલુકાનાં ઝંડાળા ગામનો રમેશભાઇ માધાભાઇ રાવળ ઉ.૨૨ હોવાનું અને અપરણીત હોવાનું જાણવા મળ્યું હતું.

જયારે મહિલા ભાભર પાસેના સુઇ ગામની ભીખીબેન વિરમભાઇ રાવલ ઉ.૩૫ હોવાનું પરણીત અને ચાર સંતાનોની માતા હોવાનું પોલીસ તપાસમાં બહાર આવ્યું છે. મૃતકના પિતાને જાણ કરતા ઘટના સ્થળે દોડી આવ્યાં હતા.

બંન્ને મૃતદેહોને વારાહી સીએચસી ખાતે પીએમ અર્થે ખસેડવામાં આવેલ. જેની તપાસ વારાહી પી.એસ.આઇ ચોૈધરીના માર્ગદર્શન હેઠળ જમાદાર પરબતભાઇ ચલાવી રહયા છે. ચાર સંતાનોની માતાએ પ્રેમી સાથે ટ્રેન નીચે ઝંપલાવી આપઘાત કરતા સમગ્ર પંથકમાં ચકચાર મચી છે.

(3:43 pm IST)
  • ગ્રેટર નોઈડાના બિલ્ડીંગ ધરાશયી થતા મૃત્યુઆંક આઠ થયો :એનડીઆરએફની ટીમે કાટમાળમાંથી વધુ એક મૃતદેહ બહાર કાઢ્યો :મુખ્યમંત્રી યોગી આદિત્યનાથે મૃતકોના પરિવારજનોને 2 - 2 લાખ અને ઘાયલોને 50 હજારની મદદની જાહેરાત કરી :આ મામલે બે અધિકારીઓને સસપેન્ડ કરી દીધા છે access_time 1:01 am IST

  • નરેન્દ્રભાઇની પ્રશ્ચિમ બંગાળના મિદનાપુર રેલીમાં જતા ભાજપના કાર્યકરોએ પોલીસ કર્મીઓ સાથે બેરહેમીથી મારઝુડ કરી : વ્યવસ્થામાં મુકાયેલા પોલીસ અધિકારી અને સહાયકોને સળિયા, ડંડા તથા ચપ્પલોથી દોડાવી-દોડાવીને માર મારતાં ૧૪ કર્મીઓ ઘાયલઃ પોલીસ કર્મીઓને બેફામ બનેલા ટોળાના સંકજામાંથી બચીને ભાગવાનો રસ્તો મળી રહયો ન હોતો access_time 11:28 am IST

  • "ભારત માતાકી જય" નાદ સાથે સંસદનું ચોમાસુ સત્ર શરૂ: દેશના વિકટ પ્રશ્નો હલ કરવા વિપક્ષોનો સહકાર માંગતા મોદી access_time 1:09 pm IST