Gujarati News

Gujarati News

News of Tuesday, 18th May 2021

રાજકોટ જિલ્લા પંચાયત પ્રમુખ ભૂપતભાઇ બોદરની હાલની વાવાઝોડાની પરિસ્થિતિને ધ્યાનમાં રાખીને ગ્રામ્ય વિસ્તારોની મુલાકાત

કાળીપાટ, ત્રંબા, માનવ મંદિર કસ્તૂરબાધામ, અણીયારા અને લાખાપર ગામોની જાતે મુલાકાત લીધી અને લોકો સાથે સીધો સંપર્ક કર્યો

રાજકોટ : "તૌકતે" વાવાઝોડાને કારણે રાજકોટ જિલ્લાના ગ્રામ્ય વિસ્તારોમાં લોકોને પડેલ હાલાકી અને થયેલ નુકસાની અંગે સચોટ ખ્યાલ મેળવવા પ્રમુખ  ભૂપતભાઇ બોદરે પોતે આ વિકટ પરીસ્થીમાં (૧) કાળીપાટ (૨) ત્રંબા (૩) માનવ મંદિર કસ્તૂરબાધામ (૪) અણીયારા  અને (૫) લાખાપર ગામોની જાતે મુલાકાત લીધી હતી અને લોકો સાથે સીધો સંપર્ક કર્યો હતો. તેમણે લોકોને થયેલ હાલાકીઓના નિવારણ અંગે જરૂરી સૂચનો જે તે ગામના તલાટી મંત્રી તેમજ સરપંચશ્રીઓને આપેલ હતા અને કોઈ પણ જાતની સહાયની જરૂર હોઈ તો વિના સંકોચે ગમે તે સમયે જાણ કરવા જણાવ્યું હતું.
પ્રમુખ ભૂપતભાઇ બોદરની આ ત્વરીત સીધા સંપર્ક/મુલાકાતો થી ગામલોકોનો પોતે ચૂંટેલા પ્રતિનિધિઓ અને ગુજરાત સરકારના માનનીય મુખ્યમંત્રી વિજયભાઈ રૂપાણીની સરકાર પરનો વિશ્વાસ વધ્યો હતો અને આ કાર્યની પ્રશંશા કરી હતી.

(9:35 pm IST)
  • ‘તૌકતે’ વાવાઝોડાઍ ગુજરાતમાં ૪૦ હજાર વૃક્ષો અને ૧૬૫૦૦ કાચા - પાકા મકાનોનો ભૂક્કો બોલાવી દીધો : મુખ્યમંત્રી વિજયભાઇ રૂપાણીઍ કરેલી જાહેરાત (ઈન્ડિયા ટીવીનો અહેવાલ) access_time 12:47 pm IST

  • ઉના તાલુકામાં ૧રપ કિ.મી. ઝડપે પવન સાથે ૪ થી પ ઇંચઃ ભારે નુકસાનીઃ જાનહાની નથી : નવાબંદર સૈયદ રાજપરા કાંઠે ૮ થી ૧૦ મોંજા ઉછળ્‍યાઃ કાચા મકાનો-વૃક્ષો પડી ગયાઃ મકાનો ઉપર પતરા ટાંકી તથા સોલાર સીસ્‍ટમ ઉડી ગઇઃ નીચાણવાળા વિસ્‍તારોમાં પાણી ભરાયાઃ આજે સવારે મધ્‍યમ પવન access_time 12:35 pm IST

  • તૌકત્તે વાવાઝોડા અસર:વલસાડ જિલ્લાના તિથલના દરિયા કિનારા સહિત જિલ્લાના 70 કિલોમીટરના દરિયાકિનારે પણ અનેક વિસ્તારોમાં તોફાની પવનને કારણે કાચા મકાનોના છાપરા ઉડયા હતા.તિથલના દરિયા કિનારે કાચા સ્ટોલના છત પણ ઉડી ગઈ હતી. અને સ્ટોલ ધારકોનો સામાન રાત્રે પણ વેરવિખેર થઈ ગયો હતો.(કાર્તિક બાવીશી ) access_time 9:55 am IST