Gujarati News

Gujarati News

News of Friday, 18th January 2019

ઉપલેટામાં લલીતભાઈ વસોયા વિરૂદ્ધ પોસ્ટરો

પાણીદાર નેતા પાણી પ્રશ્ને દેખાવ કરીશ... હું કદાવર નેતા વગેરે લખાણવાળા પોસ્ટરોઃ ભાદર બચાવો સાર્થક કરતા પહેલા ખનીજ ચોરી અટકાવવા લોકોમાં ચર્ચા

ઉપલેટા, તા. ૧૮ :. ધોરાજી મત વિસ્તારના ધારાસભ્ય લલીતભાઈ વસોયા જે ગત ચૂંટણીમાં જંગી લીડથી ચૂંટાયા હતા. છાસવારે ખનીજ ચોરી તથા ભાદર-૨ બચાવો અભિયાન બાબતે મીડીયામાં ચમકયા હતા. શહેરના બડા બજરંગ રોડ જનતા ગાર્ડન સામે દિવાલ ઉપર પોસ્ટરો લગાવવામાં આવ્યા હતા. જેમા લખેલ હતુ કે હું પાણીદાર નેતા પાણી પ્રશ્ને જ દેખાવ કરીશ લલીત વસોયા, આવશ્યક સેવાનો અભાવ છતા કોંગ્રેસનો હું કદાવર નેતા લલીત વસોયા લખાણવાળા પોસ્ટર લગાડવામાં આવેલ.

દિવાલ પર આવા પોસ્ટરો લગાડવામાં આવ્યા છે. આ અગાઉ પણ ધોરાજીમાં રોડ રસ્તાના પ્રશ્ને ધારાસભ્ય લલીતભાઈ વસોયા વિરૂદ્ધ પોસ્ટરો લાગ્યા હતા અને પોસ્ટરોમાં શાહી ફેંકવામાં આવી હતી.

શહેરમાં ચર્ચા છે કે, ભાદર બચાવો અભિયાન સાર્થક કરવુ હોય તો પહેલા દિન દહાડે ખનીજ ચોરી કરતા ખનીજ માફીયાઓને અટકાવો.(૨-૬)

(11:37 am IST)
  • રાજસ્થાનમાં ખેડૂતોના દેવામાફી મામલે મુખ્યમંત્રી અને વિપક્ષ નેતા વચ્ચે વાક્યુદ્ધ : વિરોધપક્ષના નેતા ગુલાબચંદ કટારીયાએ દેવામાંફીને લંગડા આદેશ કહેતા ખુદ મુખ્યમંત્રી અશોક ગેહલોટએ મોરચો સાંભળ્યો : ગેહલોટએ કહ્યું કે લંગડી વિચારવાળા જ ખેડૂતોના દેવામાંફીને લંગડા આદેશ કહી શકે છે access_time 12:44 am IST

  • 2018માં 250થી વધુ આતંકવાદીઓને ઠાર કરાયા :54 આતંકીઓની ધરપકડ કરાઈ :ઉતરી સેનાના કમાન્ડર લેફ્ટિનૅન્ટ જનરલ રણબીરસિંહે કહ્યું કે ગતવર્ષે ધાટીમાં માર્યા ગયેલા આતંકીઓની સંખ્યમાં છેલ્લા 10 વર્ષોમાં સૌથી વધુ છે access_time 1:11 am IST

  • કાલથી કાશ્મીરમાં ફરી બરફવર્ષા : હવામાન વિભાગે આગાહી કરી છે કે આવતીકાલ તા.૧૯ થી ૨૧ (શનિથી સોમ) દરમ્યાન ફરી બરફ વર્ષા થશે. નવા વર્ષની શરૂઆતના દિવસોથી જ જમ્મુ કાશ્મીરમાં ભારે બરફવર્ષા થઇ રહી છે. પ્રવાસીઓને જલ્સા પડી ગયા છે તો સ્થાનીય લોકોને ભારે પરેશાનીનો સામનો કરવો પડી રહ્યો છેે. કાશ્મીરમાં બરફવર્ષાની અસરથી આવતા સપ્તાહમાં સૌરાષ્ટ્ર-ગુજરાતમાં પણ ઠંડીમાં ફરી વધારો થાય તેવી સંભાવના છે. access_time 3:15 pm IST