Gujarati News

Gujarati News

News of Sunday, 17th November 2019

કુંભારીયા ગામના યુવાનની હત્યા પ્રકરણમા બે મિત્રોની ધરપકડ

અમરેલીઃ રાજુલાના કુંભારીયા ગામે રહેતા ભીખા  છના સોલંકી નામના યુવાનની લાશ સીમમાં આવેલા અનંતરાય હરીશંકર જોષીની વાડીના કુવામાંથી કોહવાઇ ગયેલી હાલતમાં લાશ મળી આવી હતી. આ અંગેની જાણ થતા પોલીસ અને મૃતક ભીખાના  પરિવારજનો દોડી ગયા હતા. મૃતદેહને પી.એમ. માટે હોસ્પિટલમાં ખસેડાયો હતો.  મૃતક ભીખાની હત્યા માથામા બોથડ પદાર્થના ઘા ઝીંકી કરવામાં આવી હતી અને લાશને કુવામાં ફેંકી દીધી હતી.

પોલીસે હાથ ધરેલી તપાસમાં મૃતક ભીખાને તેના મિત્ર પ્રવિણ ભુરા ડાબસરાની  પત્ની સાથે પ્રેમ સંબંધ હોવાનુ ખુલ્યુ હતુ. આથી પ્રવિણ ડાબસરાએ ભીખાની હત્યાનો પ્લાન ઘડી કાઢયો હતો.  ગત તા. ૧૦ ના ભાવેશએ મિત્ર ભીખાને દારૃ પીવા માટે અનંતરાય જોષીની વાડીએ બોલાવ્યો હતો. અને બાદમાં મિત્ર ભાવેશ બારૈયાને બોલાવી બંને શખ્સોએ ભીખાને દારૃ પીવડાવ્યા બાદ પ્રવિણે ભીખાના માથામા ધોકાનો ઘા ઝીકયો હતો. લાશને કુવામાં ફેંકી દીધી હતી. ધોકો પ્લાસ્ટિકના કંતાનમા વીટી સળગાદી દઇ બનાવ સ્થળે પાણીથી ધોઇ નાખી ઘેર જતા રહ્યા હતા. પોલીસે પ્રવિણ ડાબસરા અને ભાવેશ બારૈયાને ઝડપી લીધા હતા.

 

(1:01 pm IST)
  • ઝારખંડ વિધાનસભા ચૂંટણી માટે ભાજપે જાહેર કરેલી સ્ટાર પ્રચારકોની યાદીમાં મધ્યપ્રદેશના એકપણ નેતા નથી ! :યાદીમાં એમપીના પૂર્વ મુખ્યમંત્રી શિવરાજસિંહ ચૌહાણને પણ સ્થાન નહીં આપતા તર્કવિતર્ક : મધ્યપર્દેશમાં ભાજપના પરાજય બાદ શિવરાજસિંહ ચૌહાણને પાર્ટીના રાષ્ટ્રીય ઉપાધ્યક્ષ બનાવાયા હતા access_time 12:50 am IST

  • ઝારખંડ વિધાનસભા ચૂંટણી : સીએમ રઘુબીરદાસ સામે કોંગ્રેસે તેજતર્રાર પ્રવક્તા ગૌરવ વલ્લભને મેદાનમાં ઉતાર્યા : ટીવી ડીબેટમાં છવાયેલ અને અર્થશાસ્ત્રના પ્રોફેસર ગૌરવ વલ્લભ એક ખાનગી ચેનલમાં ભાજપના રાષ્ટ્રીય પ્રવક્તા સબિત પાત્રા જયારે 10 ટ્રિલિયન 10 ટ્રિલિયન કહેતા હતા ત્યારે ગૌરવ વલ્લભે એક ટ્રિલિયનમાં કેટલા ઝીરો આવે છે તેવો બેધડક સવાલ કરતા સબિત પાત્રા જવાબ નહોતા આપી શક્યા અને હાંસીપાત્ર બન્યા હતા જેનો વિડિઓ ખુબ વાયરલ થયો હતો access_time 10:55 am IST

  • આ દેશ સદૈવ તમારા બલીદાન માટે ઋણી રહેશેઃ અમિતભાઇ: સીઆરપીએફ ઇન્ડિયાના હેડકવાટરમાં ''સરદાર પોસ્ટ'' ઉપર દેશની રક્ષા માટે પોતાના જીવન ન્યોછાવર કરનાર આપણા અમર બલીદાનીઓને ગૃહમંત્રી અમિતભાઇ શાહે શ્રધ્ધાંજલી અર્પતા કહેલ કે આ દેશ સદા તેમના બલિદાનો માટે ઋણી રહેશે access_time 2:26 pm IST