Gujarati News

Gujarati News

News of Tuesday, 16th October 2018

અનીલ ઓઝાએ કલેકટર કચેરીમાં ફરી ઉપાડો લીધોઃ મેટલ ડીટેકટર તોડી નાંખ્યું: પોલીસ સાથે ઝપાઝપીઃ ફિલ્મી દૃશ્યો

ગોંડલ જનતા સોસાયટીના પ્લોટના પ્રશ્ને : મેટલ ડીટેકટર સાથે માથા ભટકાવ્યાઃ એડી. કલેકટર સહિતના દોડી ગયાઃ કલેકટર દ્વારા ફોજદારીનો આદેશ

ગોંડલની જનતા સોસાયટીના પ્લોટના પ્રશ્ને કલેકટર કચેરીમાં અનીલ ઓઝાએ આજે ફરી ધમાલ બોલાવી ત્યારની તસ્વીર.

રાજકોટ તા. ૧૬: કલેકટર કચેરીમાં અનેક વખત ધમાલ બોલાવનાર, તોડફોડ કરનાર અને એકથી બે વખત આપઘાતનો પ્રયાસ કરનાર રાજકોટના અનીલ ઓઝાએ આજે બપોરે ૧૧-૩૦-૧ર વાગ્યાની આસપાસ ફરી ઉપાડો લઇ ધમાલ બોલાવતા ભારે દોડધામ થઇ પડી હતી.

જામનગર રોડ ઉપર ર, સૈનિક સોસાયટીમાં રહેતા અનીલ ઓઝાએ ગોંડલની જનતા સોસાયટીમાં આવેલ પોતાની સાસુના પ્લોટ અંગે કલેકટર કચેરીમાં અનેક વખત રજુઆતો કરી હતી, કુલ ૧૬ પ્લોટ છે, અને ર૪ સભ્યો છે, અનીલ ઓઝાએ આ બાબતે દાદ માંગી પણ તંત્રે કોઇ પગલા લીધા નથી તેવો આક્ષેપ છે, અને આ આક્ષેપ સાથે આજે ફરી વખત કલેકટર કચેરીમાં તોડફોડ કરી નાંખી હતી.

અનીલ ઓઝાએ પોલીસ સિકયુરીટીની હાજરીમાં મેટલ ડીટેકટર તોડી નાંખી તેની સાથે માથા ભટકાવ્યા હતા. પરિણામે પોલીસ-સિકયુરીટી સ્ટાફ દોડી ગયો હતો, અને ઝપાઝપી સર્જાઇ હતી, ટીંગાટોળી કરી અનીલને દાબી દેવાયો હતો, ઘટનાની જાણ થતા એડી. કલેકટરશ્રી પરિમલ પંડયા અને અન્ય અધીકારીઓ દોડી ગયા હતા, કલેકટરને જાણ કરાઇ હતી, કલેકટરે પણ તાકિદે અનીલ ઓઝા સામે ફોજદારી કરવા અને બીજી ફરિયાદ માર્ગ-મકાન વિભાગને પણ દાખલ કરવા આદેશો કર્યા હતા.

અનીલ ઓઝાએ અગાઉ આ પહેલા કલેકટર કચેરીમાં પહેલા માળેથી ઠેકડો માર્યો હતો, ઝેરી દવા પી લીધી'તી, કાચ તોડી પથ્થરમારો કર્યો હતો, સ્ટાફમાં પણ અનીલ ઓઝા સામે ભારે રોષ ફાટી નીકળ્યો છે.

(3:52 pm IST)
  • રાજ્યના શિક્ષણપ્રધાન ભૂપેન્દ્રસિંહ ચૂડાસમાએ હરિયાણા સરકારને આપ્યું આમંત્રણ, સ્ટેચ્યૂ ઓફ યુનિટીના લોકાર્પણ કાર્યક્રમમાં હરિયાણા સરકારને આમંત્રણ પાઠવ્યું access_time 1:15 am IST

  • અમદાવાદ શહેર પોલીસ કમિશનર દ્વારા દુર્ગા પૂજાને લઈ જાહેરનામું બહાર પડાયું: નદી કે તળાવમાં દુર્ગા માતાની મૂર્તિ પધરાવવા પર પ્રતિબંધ: જાહેરનામાનો ભંગ કરનાર સામે કાર્યવાહી કરાશે access_time 1:00 am IST

  • સોમાલીયાના બેડોઆ શહેરમાં આત્મઘાતી બોમ્બ વિસ્ફોટઃ ૧૬ લોકોના મોત : ૫૦ ઘાયલ : સોમાલીયાના બેડોઆ શહેરમાં શનિવારે બે આતંકવાદીઓએ એક રેસ્ટોરા અને હોટલમાં આત્મઘાતી બોમ્બ વિસ્ફોટ કરતા ૧૬ લોકોના મોત નિપજયા છે. જયારે ૫૦ લોકો ઘાયલ થયા છે. આત્મઘાતી હુમલાવાર શહેરના ભીડવાળા વિસ્તારમાંં ઘુસી આવ્યા હતા અને પોતાની જાતને ઉડાવી દીધી હતી. આ હુમલાની જવાબદારી આતંકી સંગઠન અલ-શબાએ લીધી છે access_time 3:31 pm IST