Gujarati News

Gujarati News

News of Monday, 16th September 2019

જેતપુર વકીલ મંડળના વર્તમાન પ્રમુખ અને પૂર્વ પ્રમુખ સાયકલ લઈ કોર્ટે પહોંચ્યા :કાયદાનો કર્યો સખત વિરોધ

જેતપુર:રાજ્યમાં આજથી નવા મોટર વ્હિકલ એક્ટની અમલવારી શરૂ થઈ છે. જેમાં દ્વીચક્રી વાહનોના ચાલકોએ હેલ્મેટ પહેરવું ફરજીયાત હોય છે. જેતપુર વકીલ મંડળના વર્તમાન પ્રમુખ અને પૂર્વ પ્રમુખ દ્વારા સાયકલ લઈને કોર્ટે આવી આ કાયદાનો સખત શબ્દમાં વિરોધ કર્યો હતો. નવા મોટર વહીકલ એકટમાં  દ્વી ચક્રી વાહનોથી માંડીને હેવી વાહનો ચાલકો પર ખૂબ આકરા દંડની જોગવાઈ કરવામાં આવી છે. સમગ્ર દેશમાં અત્યારે ખૂબ મંદીનો માહોલ છે. લોકોની રોજગારી છીનવાઈ ગઈ છે અને દેશના મોટા ભાગના દ્વીચક્રી વાહન ચાલકો તો તેમના વાહનની પેટ્રોલ ટાંકીમાં માંડ પચાસ રૂપિયાનું પેટ્રોલ ભરાવી શકતા હોય તેવામાં આઠસોથી હજાર રૂપિયાની કિંમતનો હેલ્મેટ ક્યાંથી ખરીદી શકે.

જેથી આ કાયદાનું માન પણ જળવાઈ અને વિરોધ પણ થાય તે માટે જેતપુર વકીલ મંડળના પૂર્વ પ્રમુખ નિલેશભાઈ પંડ્યા અને વર્તમાન પ્રમુખ દિનેશભાઇ વાઘેલા દ્વારા કોર્ટે મોટર સાયકલ પર આવવાને બદલે સાયકલ પર આવી આ કાયદાને કાળો કાયદો ગણાવી જોરદાર વિરોધ કર્યો હતો.

(9:51 pm IST)
  • દિલ્હીના ૩૧ માર્ચ ૧૯૯૭ ના ચકચારી કનોટ પ્લેસ નકલી એન્કાઉન્ટર કેસ, જેમાં 2 ઉદ્યોગપતિઓની સરાજાહેર હત્યા કરાય હતી, તેમાં તત્કાલીન એસીપી સત્યવીર રાઠી સહિત સમગ્ર પોલીસ ટીમને આજીવન કેદની સજા ફટકારતી કોર્ટ! access_time 12:20 pm IST

  • સોની બજાર વિસ્તારમાં નવા રાક્ષસી ટ્રાફીક કાનુનના વિરોધમાં : ૧૫-૨૦ લોકો બંધ પળાવવા નિકળી પડયાઃ ૨-૪ દુકાનો બંધ થઇ ત્યાં ટોળું વિખેરાઇ ગયું: સ્થિતિ શાંતી પૂર્ણ access_time 12:24 pm IST

  • નાણામંત્રી હજુ ચોથો બુસ્ટર ડોઝ જાહેર કરે તેવી શકયતા : અર્થતંત્રને દોડતું કરવા નાણામંત્રી સીતારામન વધુ એક બુસ્ટર ડોઝ જાહેર કરે તેવી શકયતા છેઃ પ્રસ્તાવને મંજૂરીની જોવાતી રાહઃ આ રાહત લીકવીડીટી વધારવા તથા નિવેશમાં વેગ લાવવા માટે હશેઃ ઓટો સેકટરમાં સ્ક્રેપેજ સ્કીમ પણ લવાશે access_time 4:23 pm IST