Gujarati News

Gujarati News

News of Monday, 16th September 2019

લીંબડીનાં મોટી કઢેચીમાં ડેન્ગ્યુથી મહિલાનું મોત

વઢવાણ તા. ૧૬ :.. સુરેન્દ્રનગર જિલ્લાના લીંબડી તાલુકામાં હજુ ઝામડી ગામમાં કોંર્ગો ફિવરમાં હજુ બે મહિલાના મોત નિપજયા છે. ત્યારે વળી ડેન્ગ્યુએ લીંબડી તાલુકામાં મહિલાનો ભોગ લેતા અરેરાટી વ્યાપી છે.

લીંબડી તાલુકાના મોટી કઢેચી ગામે સખીનીબેન, વલીભાઇ હળીયાણી નામના મહિલાનું ડેન્ગ્યુના રીપોર્ટ આવ્યા બાદ અમદાવાદ સારવાર દરમ્યાન મોત નિપજેલ છે. જયારે જેનબ રબ્બાની ઉ.૧૦ નામની બાળા વિરમગામ હોસ્પીટલમાં સારવાર મેળવી રહી છે.

જયારે લીંબડી તાલુકાના ગામડાઓમાં અજગર ભરડા સમાન રોગચાળો હાલ વકર્યો હોવાનું જાણવા મળી રહ્યુ છે. (પ-૧૬)

(1:47 pm IST)
  • દિવગત વડાપ્રધાન રાજીવ ગાંધીની હત્યાની દોષી નલિનીની પેરોલ પુરી : ફરીથી જેલમાં મોકલાઈ : નલિનીએ મદ્રાસ હાઇકોર્ટમાં પેરોલની મુદત વધારવા કરેલી અરજી કોર્ટે ફગાવી ; નલિનીને તેણીની પુત્રીના લગ્નની વ્યવસ્થા સંદર્ભે 51 દિવસની પેરોલ મળી હતી : હાઇકોર્ટે ગત મહિને 30 દિવસની છૂટી આપી હતી બાદમાં ત્રણ સપ્તાહ વધારી દેવાયા હતા access_time 12:52 am IST

  • કેન્દ્ર ને ઝટકો આપતી સુપ્રીમ કોર્ટ : સુપ્રીમ કોર્ટે કોંગ્રેસના નેતા અને પૂર્વ કેન્દ્રીય પ્રધાન ગુલામ નબી આઝાદને કાશ્મીરની મુલાકાત લેવાની મંજૂરી આપી છે. આ સમય દરમિયાન તે ચાર જિલ્લાની મુલાકાત લઈ શકે છે. જો કે, તે આ સમયગાળા દરમિયાન કોઈપણ રાજકીય કાર્યક્રમમાં ભાગ લઈ શકશે નહીં. એકવાર ત્યાં પહોંચ્યા પછી, તે સુપ્રીમ કોર્ટમાં રિપોર્ટ રજૂ કરશે. આ સંદર્ભે કેન્દ્રને નોટિસ આપવામાં આવી છે. સુપ્રીમ કોર્ટની મંજૂરી બાદ હવે ગુલામ નબી આઝાદ બારામુલ્લા, અનંતનાગ, શ્રીનગર અને જમ્મુ જિલ્લાની મુલાકાત લઈ શકે છે. access_time 12:28 pm IST

  • રાષ્ટ્રપતિ રામનાથ કોવિંદને લઈ જતા એર ઈન્ડિયા વન વિમાન ટેકનીકલ ખામી આવી ગઈ હતી. આને કારણે વિમાનને ત્રણ કલાક માટે સ્વીત્ઝર્લેન્ડના ઝુરિક એરપોર્ટ પર રોકાવું પડ્યું હતું. મળતી માહિતી મુજબ એર ઇન્ડિયા વન વિમાનની પાછળની પાંખમાં ખામી સર્જાઈ હતી. આ વિમાન ઝુરિકથી સ્લોવેનીયા જી રહ્યું હતું. તમને જણાવી દઈએ કે રાષ્ટ્રપતિ કોવિંદ હાલમાં આઇસલેન્ડ, સ્વીત્ઝર્લેન્ડ અને સ્લોવેનીયાની યાત્રા પર છે. access_time 11:51 am IST