Gujarati News

Gujarati News

News of Monday, 16th September 2019

કોડીનારના પેઢાવાડાના મહિલા સરપંચ વિરૂદ્ધ અવિશ્વાસ પ્રસ્તાવની દરખાસ્ત રજુ

કોડીનાર તા.૧૩: કોડીનાર તાલુકાના પેઢાવાડા ગ્રામ પંચાયતના મહીલા સરપંચ સામે ઉપસરપંચ સહિત ૬ સભ્યોએ અવિશ્વાસ પ્રસ્તાવની દરખાસ્ત રજૂ કરતા કોડીનાર તાલુકાના રાજકારણમાં ગરમાવો ફેલાયો છે.

પેઢાવાડા ગ્રામ પંચાયતના ઉપસરપંચ સહિતના ૬ સભ્યોએ કોડીનાર તાલુકા વિકાસ અધિકારી સમક્ષ મહીલા સરપંચ ઉષાબેન રણધીરભાઇ વાળા વિરૂધ્ધ અવિશ્વાસની પ્રસ્તાવની દરખાસ્ત રજુ કરતો પત્ર પાઠવ્યો છે.

અવિશ્વાસની દરખાસ્તમાં જણાવ્યું હતું કે સરપંચ ઉષાબેન રણધીરભાઇ વાળા પોતાની રીતે મનસ્વી વર્તન કરી વહીવટ કરતા હોવાનું અને સરપંચના પતિ અને પુત્રો પંચાયતમાં કામમાં દખલગીરી કરી રહ્યા હોય અને સરપંચની કાર્યપધ્ધતિ પણ બરોબર ન હોય તેની સામે ઉપસરપંચ રણજીતભાઇ ઘેલાભાઇ ઝાલા, સભ્યો દૂધીબેન દેવાભાઇ સોલંકી, ઉજીબેન કાળુભાઇ ઝાલા, શાંતિબેન નારણભાઇ સોલંકી, ધીરૂગીરી રામગીરી મેઘનાથી અને રાજીબેન મુળજીભાઇ વાળા સહિતના ગ્રામ પંચાયતના ૬ સભ્યોએ અવિશ્વાસ પ્રસ્તાવની દરખાસ્ત કરી છે.

આમ મહિલા સરપંચ વિરૂધ્ધ અવિશ્વાસ દરખાસ્તથી કોડીનારના રાજકારણમાં ગરમાવો જોવા મળી રહ્યો છે.

(12:14 pm IST)
  • અખિલેશ યાદવના કાર્યક્રમમાં ભારે ભાગદોડ સર્જાતા સપાના અનેક કાર્યકર્તા ઘાયલ થયા: યુ.પી.ના પીલીભીત ખાતે પીડબલ્યુના ગેસ્ટ હાઉસમાં અખિલેશ યાદવને મળવા સમાજવાદી પક્ષના કાર્યકરોની ભીડ ઉમટી પડીઃ ગેસ્ટ હાઉસના કાચના દરવાજા તુટી ગયા access_time 12:23 pm IST

  • ઝારખંડના વિપક્ષી નેતા હેમંત સોરેને મુખ્યમંત્રી રઘુવરદાસને ફટકારી લીગલ નોટિસ : પૂર્વ મુખ્યમંત્રી હેમંત સોરેને પોતાના પર ભ્રષ્ટ્રાચારના આરોપ મામલે સીએમને નોટીસ ફટકારી આરોપ પાછા ખેંચવા માંગ કરી : હેમન્ત સોરેને કહ્યું કે મને બદનામ કરવા 500 કરોડની સંપત્તિ ખરીદયાનો કરાય છે આક્ષેપ : સાત દિવસમાં માફી માંગે અથવા કાનૂની કાર્યવાહીની ચીમકી આપી access_time 12:53 am IST

  • રાજ્યમાં ટ્રાફિકના નવા નિયમનના અમલવારી માટે પોલીસતંત્ર સજ્જ : નવા નિયમની અમલવારીને લઈને ટ્રાફિકના ઉચ્ચ અધિકારીઓની બેઠક : નિયમની કડક અમલવારી કેવી રીતે કરાવવી તે અંગે બેઠકમાં મહત્વના નિર્ણય લેવાયા:સામન્ય લોકો સાથે સાથે પોલીસ કર્મીઓને પણ ટ્રાફિકના નિયમોનું પાલન કરવા સૂચના : access_time 12:51 am IST