Gujarati News

રાજકોટઃ આજીડેમ પોલીસ મથક તાબેના સરધારમાં વહેલી સવારે કરિયાણીની  દૂકાનમાં ત્રાટકેલો બુકાનીધારી તસ્કર રોકડ તથા સુકામેવાની આઠ કિલો બદામ ચોરી ગયાનો બનાવ બન્યો છે. કડવા પટેલ વેપારી કિરાભાઇ ધોરીની લક્ષ્મી પ્રોવિઝન સ્ટોર નામની દૂકાનમાં મોડી રાત્રે ૩:૨૪ કલાકે એક બુકાનીધારી શખ્સ ઘુસી જઇ દૂકાનમાંથી રોકડા રૂ. પાંચ હજાર તથા આઠ કિલો બદામ ચોરી ગયો હતો. દૂકાનદાર દ્વારા આ મામલે સરધાર પોલીસને જાણ કરવામાં આવી છે. સોશિયલ મિડીયામાં સીસીટીવીના ફૂટેજ વહેતા થયા હતાં. તસ્વીરમાં બુકાનીધારી તસ્કર સીસીટીવીમાં કેદ થયો હતો તે જોઇ શકાય છે.