Gujarati News

બાલુભાઇ પટેલ બાળપણથી જ તેમના કામ પ્રત્‍યે ખુબ જુસ્‍સો ધરાવે છે. તે એક ખેડુત પરીવારમાંથી આવે છે. તેઓએ પ્રાથમિક શાળાના શિક્ષક તરીકે તેમની કારકિર્દી શરૂ કરી. મુ.શ્રી રતિભાઇ ગોંધિયા,મુ.શ્રી લલ્લુભાઇ શેઠ, મુ. શ્રી રતુભાઇ અદાણી, પુ.શ્રી દેવેન્‍દ્રભાઇ દેસાઇના માર્ગદર્શન હેઠળ તેઓએ ખાદી સંસ્‍થામાં કામ શરૂ કર્યુ.

   તે ગુજરાતી માધ્‍યમમાં મેટ્રીક પાસ છે અને ત્‍યારબાદ ફરીથી અમરેલી પટેલ બોડીંગ સ્‍કુલમાંથી અંગ્રેજી માધ્‍યમમાં અભ્‍યાસ પૂર્ણ કર્યો છે. તેથી જ તેણે શિક્ષણ ક્ષેત્રે પસંદ કરવાનું નકકી કર્યુ.

    તેઓ ૧૯૫૬માં જોડીયા ઠકકરબાપા ઘરશાળા દ્વારા સોેરાષ્‍ટ્ર રચનાત્‍મક સમિતિમાં ૨૫ વર્ષ સુધી ગૃહપતિ હતા.ગીરના છેવાડાના ગામોમાંથી બાળકોને લાવતા અને ઘરશાળામાં વિનામુલ્‍યે રહેવાનું તથા શિક્ષણ આપતા હતા.

   તેમના અધ્‍યાપન વ્‍યવસાયમાંથી આરામ કર્યા પછી જામનગર જીલ્લાના ધ્રોલ જોડિયા તાલુકાના કુલ ૪૨ ગામોમાં અંબર ચરખા શરૂ કર્યા અને ગામડાની બહેનોને સ્‍વરોજગારી આપી સાથો સાથ ખાદી ઉત્‍પાદન માટે ધ્રોલ, લિંબડી, સુરેન્‍દ્રનગરમાં કાર્ય શરૂ કર્યુ અને ખાદી ઉત્‍પાદનમાં અને વેચાણમાં સોેરાષ્‍ટ્રમાં પ્રથમ નંબરે જોડીયાની એકમાત્ર સંસ્‍થા આવતી હતી.

તેમણે ધ્રોલ-જોડીયા તાલુકામાં સર્વોદય યોજના પણ શરૂ કરેલ. જેના દ્વારા અસંખ્‍ય જરૂરીયાત મંદોને સ્‍વરોજગારી માટેના સાધનો તથા સહાય કરવામાં આવેલ તેઓની સંસ્‍થા ઉનાળામાં વિનામૂલ્‍યે છાશ કેન્‍દ્રો પણ ચલાવતા હતા. 

આ ઉપરાંત તેમણે જળષાાવ યોજના પણ શરૂ કરેલ જેના દ્વારા અસંખ્‍ય ખેડુતોને દવા છાંટવાના પંપ, ટપક પધ્‍ધતિ, તેમજ ખેતીને લગતા સાધનોની સહાય કરેલ.

ખેતીને લગતા કેટલાક સામાજિક કાર્યો કરવા ઇચ્‍છતા હતા. તેથી તેમણે પોતાનો નવો જુસ્‍સો શરૂ કર્યો અને ૫ વર્ષ માટે પ્રમુખ સમિતિ નામની પોતાની સંસ્‍થા બનાવી. તેમનું કામ યોગ્‍ય માર્ગદર્શન આપવાનું અને અંદાજપત્રનું આયોજન કરવાનું હતુ અને તેઓ તેમના દરેક કાર્યને સમર્પણ અને ઇમાનદારીથી માણી રહ્યા હતા.

તેમણે પડકારજનક કામો કરવાનું પસંદ છે. ૨૬મી જાન્‍યુઆરી,૨૦૦૦માં એક ધરતીકંપ આવ્‍યો જેમાં મોટી સંખ્‍યામાં મિલ્‍કતોનો નાશ થયો તેથી તેમણે આ સંસ્‍થાને બંધ કરવાનું નકકી કર્યુ.

તે ખૂબ નિરાશ હતા અને થોડા સમય માટે નિવૃત થવા માંગતા હતા. થોડા મહિનાનો આરામ કર્યા પછી તેમણે મેનેજર તરીકે સર્વોદય સંસ્‍થામાં સામાજિક પ્રવૃતિમાં જોડાવાનું નકકી કર્યુ. તેમના મતે તેમને ખુશી થાય તે કરો.હંમેશા શીખવા માટે તૈયાર રહો અને આશા ન છોડો તે આપણા બધા માટે પ્રેરણા છે. તેઓ હિન્‍દી સમિતિ રાજકોટ મુકામે રાષ્‍ટ્રીય સંગઠનમાં એકાઉન્‍ટન્‍ટ તરીકે પણ જોડાયા.

આમ, તેઓએ પોતાની જિંદગી એક ગાંધીવાદી તરીકે પુરી કરી. રમેશભાઇ બી.પટેલ, રાજકોટ મો. ૯૮૯૮૩૦૮૩૦૯ નિવૃત નાયબ મામલતદાર.