Gujarati News

Gujarati News

News of Thursday, 16th May 2019

હળવદના બ્રાહ્મણી-૨ ડેમમાંથી સિંચાઈનું પાણી નહીં આપવાનું ફરમાન

હળવદ, તા.૧૬:તાલુકાને આ વર્ષે ચોમાસુ નબળું થતાં અછતગ્રસ્ત જાહેર કરવામાં આવ્યો છે ત્યારે ખેડૂતોને અણીના સમયે સિંચાઈ વિભાગે ડામ દીધો હોય તેમ ખેડૂતો અગાઉ પાક વાવી દીધો હતો તેથી પાકના જતન માટે હાલ પાણીની સખત જરૂરિયાત હોય તેવા સમયે જ સિંચાઈ વિભાગે બ્રાહ્મણી-૨ ડેમમાંથી ખેડૂતોને સિંચાઈ માટે પાણી લેવાની મનાઈ કરી દીધી છે. સિંચાઈ વિભાગ પોલીસ સુરક્ષા સાથે ડેમ ખાતે જઈને ખેડૂતોના પાણી ઉપડવાના મશીન અને મોટરો તથા પાઇપ લાઇન હટાવી દેવાની કાર્યવાહી હાથ ધરવામાં આવશે.

એકબાજુ વરસાદ નહિવત પડતા ખેડૂતો આમેય પાણી વગર તરસતા જ હતાં તેમાંય પાછા હળવદના ખેડૂતો માટે માઠા સમાચાર આવ્યા છે જેમાં બ્રાહ્મણી ડેમમાંથી પાણી નહીં લેવાના આદેશ છૂટતાં ખેડૂતો મુંજાયા છે. સરકારી તંત્ર પણ અણીના સમયે ડેમમાંથી સિંચાઈ માટે પાણી લેવાની મનાઈ કરતું હોવાથી ખેડૂતો માટે કપરી સ્થિતિ ઉદ્દભવિ છે. હળવદમાં ગતવર્ષે ઓછો વરસાદ પડતાં બ્રાહ્મણી-૨ ડેમમાં અપૂરતો જળ સંગ્રહ છે. હાલ ઉનાળામાં આ બ્રાહ્મણી-૨ ડેમમાં ૧૦ ફૂટ જેટલું જ પાણી બચ્યું છે તેથી સિંચાઈ વિભાગે પાણીની કટોકટીને ધ્યાને લઈને બ્રાહ્મણી -૨ ડેમમાંથી ખેડૂતોને પાણી ઉપડવાની મનાઈ ફરમાવી દીધી છે અને આ આદેશનું કડક પાલન કરવા માટે સિંચાઈ અધિકારીઓની ટીમ પોલીસ સુરક્ષા સાથે હળવદના બ્રાહ્મણી ડેમમાં ત્રાટકશે અને ડેમમાંથી ખેડૂતોના પાણી ઉપડવાના મશીનો અને મોટરો તથા પાણીની પાઇપલાઇન કટ કરી નાખશે.

(11:47 am IST)
  • અમેરિકના પ્રાંત અલબામામાં ગર્ભપાત પર લાગ્યો પ્રતિબંધ :આરોપી ડોક્ટરને મળશે 99 વર્ષની જેલસજા :અલબામાની સેનેટે ગર્ભપાત પર પ્રતિબંધવાળા વિધેયકને પસાર કર્યો ; વિધેયકની જોગવાઈ મુજબ ગર્ભપાત કરનાર ડોક્ટરને 99 વર્ષની જેલ થશે access_time 1:06 am IST

  • હવે વેકેશનમાં શિક્ષકોએ શાળામાં હાજર રહેવું પડશે: અમદાવાદ નગર પ્રાથમિક શિક્ષણ સમિતિનો પરિપત્ર :મુખ્ય શિક્ષક અથવા શિક્ષકને રહેવું પડશે હજારે :વિદ્યાર્થીઓના પ્રવેશ અને વિદ્યાર્થીની સંખ્યા વધારવા માટે સમિતિ દ્વારા લેવાયો નિર્ણંય : શિક્ષકોનું વેકેશન બગડે તેવા એંધાણ ;શિક્ષકોમાં ભારે કચવાટ ફેલાય તેવી શકયતા access_time 11:10 pm IST

  • મહેસાણાની દુધસાગર ડેરીના ૪૫ કર્મચારીઓની બદલીઃ ત્રણ દિવસથી હડતાલ ઉપર : કર્મચારીઓ મહેસાણા ન આવવા મકકમઃ ૩ દિવસથી મહેસાણાના કર્મીઓ હડતાલ ઉપર ડેરીએ કામ બંધ કરતા કર્મચારીઓની કરી બદલીઃ દુધસાગર ડેરીના કર્મચારી હડતાલ પરઃ હરીયાણાના માનેસર પ્લાન્ટના કર્મીઓ હડતાલ ઉપરઃ મહેસાણાના કર્મીને ઉપર પર પ્રાંતીયોએ માર્યો હતો માર access_time 3:21 pm IST