Gujarati News

Gujarati News

News of Saturday, 16th March 2019

ભાવનગર લોકસભા બેઠક માટે ભાજપના ભારતીબેન શિયાળ, મહેન્દ્ર પનોત, હીરાભાઇ સોલંકી, કિશોર ભટ્ટના નામની ચર્ચા

વિધાનસભા બેઠક વાઇઝ આગેવાનો દ્વારા નિરીક્ષકો સમક્ષ રજુઆત

ભાવનગર તા.૧૬: લોકસભાની ચૂંટણીની તારીખ જાહેર થતાં જ રાજકિય પક્ષો દ્વારા ઉમેદવાર પસંદગીની પ્રક્રિયા શરૂ કરી દેવામાં આવી છે. ભાવનગર લોકસભા બેઠકના ઉમેદવાર માટે સિંહોર ખાતે ભાજપના નિરીક્ષકોએ આગેવાનો અને કાર્યકરોની રજુઆત સાંભળી હતી.

ભારતીય જનતા પાર્ટી દ્વારા ભાવનગર લોકસભા બેઠક માટે નિમવામાં આવેલ નિરીક્ષકો મુળુભાઇબેરા, મહેશભાઇ કસવાલા, અનેભાનુબેન બાબરીયા, સિંહોરની જ્ઞાનગંગા સંકુલ ખાતે ઉપસ્થિત રહયાં હતા.

પ્રદેશ નિરીક્ષકોએ ભાવનગર લોકસભા બેઠક અંતર્ગત આવતી સાત  વિધાનસભા બેઠક વાઇઝ આગેવાનો અને કાર્યકરોની રજુઆત સાંભળી હતી.

આ અંગે મહેશભાઇ કસવાલા તથા મહેન્દ્રસિંહ સરવૈયાએ માહિતી આપી હતી.

ઉમેદવાર પસંદગી માટે ભાવનગર શહેર અને જિલ્લામાંથી ભાજપના આગેવાનો અને કાર્યકરો મોટી સંખ્યામાં હાજર રહયાં હતા. બોટાદ જિલ્લાના ગઢડા અને બોટાદનો સમાવેશ પણ ભાવનગર બેઠકમાં થતો હોય, આ બન્ને તાલુકાના આગેવાનોએ પણ નિરીક્ષકોને રજુઆત કરી હતી.

પ્રદેશ ભાજપના ત્રણેય નિરીક્ષકો સમક્ષ ચૂંટણી લડવા ઇચ્છતા આગેવાનો અને તેના ટેકેદારોએ રજુઆતો કરી હતી. જે દાવેદારી થઇ છે તેમાં મુખ્યત્વે વર્તમાન સાંસદ ડો. ભારતીબેન શિાયળ ઉપરાંત ભાવનગર જિલ્લા સહકારી દૂધ ઉત્પાદક સંઘ( સર્વોતમ ડેરી)નાં ચેરમેન અને પૂર્વ જિલ્લા પંચાયત પ્રમુખ મહેન્દ્રભાઇ પનોત તેમજ પૂર્વ ધારાસભ્ય અને રાજ્યમંત્રી પરસોતમભાઇ સોલંકીનાં ભાઇ હીરાભાઇ સોલંકી મુખ્ય છે. ઉપરાંત કિશોરભાઇ ભટ્ટ (વંદેમાતરમ) સહિત અને આગેવાનો એ ભાવગર લોકસભા બેઠક લડવા કાર્યકરો દ્વારા રજુઆતો કરી હતી.

(11:45 am IST)
  • ઐતીહાસીક ઘટના : અમેરિકી રાષ્ટ્રપતિ ડોનાલ્ડ ટ્રમ્પે પોતાનો પ્રથમ વીટો જારી કર્યો છે : કોંગ્રેસને સરહદ દિવાલ ભંડોળ માટેના આપાતકાલીન ઘોષણાને સુરક્ષિત કરવા માટે કોંગ્રેસના નિર્ણયને ઉથલાવી દીધો છે. access_time 1:59 am IST

  • ઓલ ઇન્ડિયા બાર એક્ઝામીનેશન XIII (AIBE XIII )નું પરિણામ થયું જાહેર : પરિક્ષાર્થીઓ પોતાના પેપરની પુનઃ ચકાસણી માટે 15 થી 31 માર્ચ સુધીમાં રૂ. 200 ભરીને અરજી કરી શકશે : પરિણામ http:// aibe13. allindiabarexamination. com/result. aspx વેબસાઈટ પર જોઈ શકાય છે access_time 9:50 pm IST

  • છોટાઉદેપુરના નસવાડી તાલુકાના ઘેઁશવાડી ગામે ઘટના : સેન્ટરીંગ અને મિક્સર મશીનનો સામાન ભરીને જતી વખતે અને શ્રમજીવીઓ ને લઈ જતો ટેમ્પો પલ્ટી માર્યો :એક શ્રમજીવી મહીલા ઘટના સ્થળે નું મોત નિપજયું : અન્ય 6 મજૂરો ઘાયલ : 4 મજૂરો ને સારવાર અર્થે વડોદરા એસ.એસ.જી માં ખસેડાયા: 2 મજૂરો ને નસવાડી સામૂહિક આરોગ્ય કેન્દ્ર ખાતે સારવાર ચાલી રહયા છે access_time 2:10 pm IST