Gujarati News

Gujarati News

News of Saturday, 16th January 2021

લેઉવા પટેલ ઉચ્ચ કેળવણી સહાયક મંડળ દ્વારા આર્થિક સહાય પૂરી પડાશે

જૂનાગઢ તા. ૧૫ : જિલ્લામાં વસવાટ કરતાં લેઉવા પટેલ સમાજનાં આર્થીક જરૃરીયાતમંદ તેજસ્વી છાત્રોને નાણાનાં અભાવે ઉચ્ચઅભ્યાસ કરવામાં બાધા બનતા અભ્યાસ છોડી દેવો અથવા તો સારા માર્કસ હોવા છતાં યોગ્ય પ્રવાહમાં અભ્યાસ ન કરી શકવાની નોબત આવતી હોય છે. આ બાબત સામજશ્રેષ્ઠીઓને ધ્યાને આવતા લેઉવા પટેલ સમાજનાં તેજસ્વી છાત્રો યોગ્ય અભ્યાસક્રમમાં નાણાનાં અભાવે પ્રવેશથી વંચીત ના રહે તે હેતુ વગર વ્યાજની લાંબાગાળાની લોન સહાય આપી આર્થીક રીતે સહાયરૃપ બની રહે છે.

આ માટે જૂનાગઢ ખાતે લેઉવા પટેલ ઉચ્ચકેળવણી સહાયક મંડળ દ્વારા જૂનાગઢ જિલ્લાનાં વતની હોય ધો-૧૨ ની માર્ચ ૨૦૨૦માં કે ત્યારબાદ યોજાયેલ પરીક્ષાઓમાં સૈધ્ધાંતિક વિષયોમાં ૭૫ ટકા કે તેથી વધુ ગુણ મેળવનાર અથવા નીટ પરીક્ષા કલીયર કરનાર અને આર્થિક રીતે નબળા પરંતુ એમ.બી.બી.એસ, બી.ડી.એસ., બી.એ.એમ.એસ., બી ફિઝીયો, બી.એચ.એમ.એસ, બી.ટેક, એમ.બીએ., સી.એ,જેવા ઉચ્ચ અભ્યાસક્રમોમાં અભ્યાસમાં તેજસ્વી હોય તેવા લેઉવા પટેલ સમાજના સંતાનો માટે મંડળે વ્યાજરહીતની લોન સહાય આપવાની વ્યવસ્થા કરેલ છે. તો આ અંગેનાં અરજી પત્રક જૂનાગઢ બસ સ્ટેશન પાસે ન્યુ સંકલ્પ કોમ્પલેકસનાં ત્રીજા માળે શોપ નંબર ૩૨૦, ખાતે આવેલ શ્રી સરદાર પટેલ કર્મચારી મંડળનાં કાર્યાલયેથી મેળવી સંપુર્ણ વિગત ભરી ૧૫ ફેબ્રુઆરી-૨૦૨૧ સુધીમાં પરત કરવા. આ અંગે વધુ જાણકારી માટે ૯૯૦૯૩૧૪૬૭૧ હસમુખભાઇ કોરાટ અથવા, ૯૪૨૮૨૪૯૩૮૧ પ્રાગજીભાઇ ત્રાપસીયાનો સંપર્ક સાધવાથી માહિતી મેળવી શકાશે.તેમ મંડળનાં પ્રમુખ ત્રિકમભાઇ સુરાણીની યાદીમાં જણાવાયુ છે.

(12:04 pm IST)
  • સમાજવાદી પાર્ટીના કદાવર નેતા આઝમ ખાં ને ઝટકો : જોહર યુનિવર્સીટીની 70 હેકટર જમીન યુ.પી.સરકારના નામે થઇ જશે : એસ.પી.પાર્ટીના રાજમાં સેંકડો વીઘા જમીન જોહર ટ્રસ્ટને પાણીના ભાવે અપાઈ હતી : એ.ડી.એમ.કોર્ટનો ચુકાદો access_time 8:14 pm IST

  • ' માનવ જબ જોર લગાતા હૈ ,પથ્થર પાની બન જાતા હૈ ' : વડાપ્રધાન શ્રી નરેન્દ્ર મોદીએ ટીકાકરણની શરૂઆત પ્રસંગે રાષ્ટ્રકવિ રામધારી સિંહ દિનકરની કવિતાની પંક્તિ ટાંકી : પ્રથમ તબક્કે 1 કરોડ હેલ્થ વર્કર ,તથા 2 કરોડ ફ્રન્ટલાઈન વર્કર્સને રસી અપાશે access_time 11:08 am IST

  • વેક્સિન અંગે કોઇ અફવા માનશો નહીં, સંપૂર્ણ સલામત છે: તબક્કાવાર સૌને મળશે: વિજયભાઈ રૂપાણી : ગુજરાતમાં વેક્સિનેશનને લઇને મુખ્યમંત્રી વિજયભાઈ રૂપાણીએ કહ્યું, વેક્સિનને લઇને કોઇ જ અફવામાં આવવું નહીં, તબક્કાવાર તમામને મળશે, વેક્સિન સંપૂર્ણ સુરક્ષિત છે access_time 1:47 pm IST