Gujarati News

Gujarati News

News of Friday, 15th March 2019

ચોટીલાના પાંચ ગામ રાજકોટને હવાલે થતા રાજકિય ઉથલ-પાથલઃ સતા પરિવર્તનના એંધાણ

ચોટીલા તા. ૧પ : તાલુકાના પાંચ ગામોનો વહીવટ રાજકોટ જીલ્લાના હવાલે થતા તાલુકામાં સત્તા પરિવર્તન રાજકિય ઉથલ-પાથલના એંધાણ વર્તાઇ રહ્યા છે.

ચોટીલાના પાચ ગામો બામણબોર, ગુંદાળા, નવાગામ (બા), જીવાપર (બા), અને ગારીડા રાજકોટ જીલ્લામાં તબદીલ કરાયેલ છે જેઓના તાલુકા અને ગ્રામ પંચાયત કક્ષાના તમામ રેકોર્ડની રાજકોટ જીલ્લાને સોપવાની પ્રક્રિયા માટે ઉચ્ચ કક્ષાઅથી જરૂરી આદેશો થયેલ છે તેમજ તાલુકા પંચાયતની એક સદસ્યની સીટ પણ રાજકોટ જીલ્લામાં ફેરબદલ કરવામાં આવતા ચોટીલા તાલુકાના રાજકારણમાં ખુબ મહત્વની અસર પહોંચશે.

થોડા દિવસ પહેલા રાજકોટમાં સમાવાયેલ તાલુકાના પાંચ ગામનાં જરૂરી દસ્તાવેજી કાગળો, રેકર્ડ સાથે તમામ રેકર્ડની સોપણી રાજકોટ જીલ્લાને કરવાના હુકમો છુટેલા આગામી દિવસોમાં આ પાંચ ગામની પંચાયતોનો તમામ વહીવટ અને તાલુકા કક્ષાનો તમામ હવાલો હવે રાજકોટને સોપાઇ જશે તેમજ કામ કરતા અનેક વિભાગોમાં પણ વહિવટીના કર્મચારીઓમાં પણ મોટા ફેરફારો આવશે.

વહીવટી ફેરફારની સાથે તાલુકાના રાજકારણમાં ખુબ મોટુ પરિવર્તન આવે તેવી શકયતા છે. આ વિસ્તારની બેઠક ઉપર ચુંટાયેલ અને ચોટીલા તાલુકા પંચાયતના ઉપપ્રમુખ એવા રેખાબેન મકવાણાની બામણબોરની તાલુકા પંચાયતની બેઠક રાજકોટ જીલ્લાનાં તાલુકામાં સમાવેશ કરાઇ છે. જેનો ગેઝેટનો હુકમ પણ આપી દેવાયેલ છે જેથી હવે ચોટીલા તાલુકા પંચાયતની કુલ બેઠકમાંથી એક ઘટીને ૧૭ કરાઇ છે અને રાજકોટ તાલુકાની વધીને રપ થયેલ છે.

હાલમાંજ નવ સભ્યોની સહીથી પ્રમુખ સામે અવિશ્વાસનો પ્રસ્તાવ રજુ કરાયેલ છે હાલમાં તાલુકાના એક સભ્ય રાજકોટ તાલુકામાં જવાના આદેશથી છેલ્લી સ્થિતિએ હાલની બોડી લઘુમતીમાં મુકાઇ ગયેલ હોય તેવું દેખાય છે અને એક અંદાજ દરખાસ્ત મુકનાર ગ્રુપ પાસે નવનું સંખ્યા બળ છે જેની વર્તમાન પ્રમુખ પાસે ચાર સદસ્યની સંખ્યા રહેલ છે જેથી કુલ ૧૪ સભ્યોના બળ સામે દરખાસ્ત મુકનાર જુથ આવતા દિવસોમાં બહુમતી પુરવાર કરવાની તારીખે દરખાસ્ત પાસ કરી શકે તેવી સંપૂર્ણ શકયતા દેખાઇ રહેલ છે. જેથી સરકાર દ્વારા કરાયેલો આ ફેરફાર સ્થાનિક રાજકારણમાં સત્તા પરિવર્તન માટે હોવાની લોક ચર્ચા ઉઠેલ છે આવનાર દિવસોમાં કરવાની નિયમ મુજબની તારીખે ચોટીલા તાલુકા પંચાયતમાં સત્તાના સુકાન બદલાય છે કે કેમ તે તરફ સૌની મીટ મંડાયેલ છે.

(3:57 pm IST)
  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST

  • ભાવનગરમાં ભારતીબેન શિયાળ, હિરાભાઇ સોલંકી સહિત દાવેદારોની ઉમેદવારી માટે રાફડો ફાટયો access_time 3:33 pm IST

  • સુરતના અમરોલીમાં ૮ વર્ષની બાળા ઉપર દુષ્કર્મ : સુરતના અમરોલીમાં ૮ વર્ષની બાળા ઉપર દુષ્કર્મ આચરવામાં આવતા ખળભળાટ મચી ગયો છે. બાળાને ગંભીર હાલતમાં હોસ્પિટલમાં ખસેડેલ છે. ૪ દિવસમાં શહેરમાં દુષ્કર્મની ૩ ઘટના બનતા દુષ્કર્મ આચરનારા સામે આક્રોશ ફેલાયો છે. access_time 3:33 pm IST