Gujarati News

Gujarati News

News of Thursday, 15th February 2018

કેશોદના નાના એવા રંગપુર ગામના ખેડૂતને ધારાસભ્‍ય બનાવી દેવાયા !

પોરબંદર, તા. ૧૫ :. જૂનાગઢ જિલ્લાના કેશોદ તાલુકાના નાના એવા રંગપુર ગામના ખેડૂતને ધારાસભ્‍ય બનાવી દેવાયા હોવાની ચર્ચાએ જોર પકડતા ભારે તર્કવિતર્કો સર્જાયા છે.

પ્રાપ્ત માહિતી મુજબ કેશોદ તાલુકાના રંગપુર ગામના ખેડૂત લલીતભાઈ ડેડણીયાએ વિધાનસભા ચૂંટણી પહેલા મુખ્‍યમંત્રી શ્રીને પત્ર પાઠવીને ખેડૂતોની સમસ્‍યાઓ હલ કરવા માંગણી કરી હતી.

ત્‍યાર બાદ આ પત્રના જવાબમાં લલિતભાઈ ડેડણીયા ધારાસભ્‍ય રંગપુર, તા. કેશોદ, જિલ્લો જૂનાગઢ તેમ રેફરન્‍સ તરીકે લખીને મહેસુલ વિભાગને તપાસ કરવા જણાવ્‍યુ હોવાનો ઉલ્લેખ કર્યો છે.

આ અંગે લલિતભાઈએ સરકારને પત્ર પાઠવીને પોતે ધારાસભ્‍ય છે તેનો ખુલાસો માંગતા વિધાનસભામા દોડધામ મચી ગઈ છે. આ ઉપરાંત લલિતભાઈએ જો હું ધારાસભ્‍ય હોઉં તો મને ધારાસભ્‍યને મળતા તમામ હક્ક આપવા પણ માંગણી કરી છે.

(4:17 pm IST)
  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST

  • મહારાષ્ટ્રમાં વાવાઝોડાએ અબજોની તબાહી સર્જી : ૧૯૦૦ ગામડાના પાક સાફ :મહારાષ્ટ્રમાં ૩ દિવસના તોફાની વરસાદ - બરફના કરાના તોફાન અને વાવાઝોડાથી ૧૯૦૦ ગામડાના પાકની તબાહી : બે લાખ હેકટર ઉપર ઉભો પાક સાફ થઈ ગયો : અબજો - અબજો રૂપિયાનું નુકશાનઃ મહારાષ્ટ્ર સરકારે આ કુદરતી તબાહી માટે કેન્દ્ર પાસે ૨૦૦ કરોડ માગ્યા access_time 4:09 pm IST

  • આધારકાર્ડની કાયદેસરતા અંગે સુપ્રીમ કોર્ટમાં સુનાવણી access_time 4:11 pm IST