Gujarati News

Gujarati News

News of Wednesday, 15th January 2020

નાસ્તો બનાવવા માટે મોટા ભાઇ સાથે ચડભડ થતાં ૧૯ વર્ષની અસ્મિતાનો ફાંસો ખાઇ આપઘાત

ચોટીલાના સણોસરાની કોળી યુવતિએ સંક્રાંતને દિવસે પગલુ ભર્યુઃ રાજકોટ સિવિલમાં સારવારમાં મોતઃ ભાઇની એક જ બહેન હતી

રાજકોટ તા. ૧૫: ચોટીલાના સણોસરામાં મકર સંક્રાંતને દિવસે ૧૯ વર્ષની કોળી યુવતિને મોટા ભાઇ સાથે નાસ્તો બનાવવા બાબતે ચડભડ થતાં માઠુ લાગી જતાં ગળાફાંસો ખાઇ આપઘાત કરી લીધો હતો.

સણોસરા રહેતી અસ્મિતા જેસીંગભાઇ પરમાર (કોળી) (ઉ.વ.૧૯) ૧૪મીએ સવારે આઠેક વાગ્યે ઘરે લાકડાની આડીમાં દોરી બાંધી ગળાફાંસો ખાઇ લેતાં ભાઇઓ જોઇ જતાં નીચે ઉતારી બેભાન હાલતમાં ચોટીલા  અને ત્યાંથી રાજકોટ સિવિલ હોસ્પિટલમાં ખસેડી હતી. પરંતુ અહિ સાંજે મોત નિપજતાં પરિવારમાં કલ્પાંત સર્જાયો હતો. હોસ્પિટલ ચોકીના સ્ટાફે ચોટીલા જાણ કરી હતી.

આપઘાત કરનાર અસ્મિતા ધોરણ-૧૧માં ભણતી હતી. તે બે ભાઇની એકની એક નાની બહેન હતી. તેના પિતા ખેતી કરી ગુજરાન ચલાવે છે. સવારે સોૈથી મોટો ભાઇ શૈલેષ બહાર ગયા હતો. એનાથી નાનો અનિલ ઘરે હતો. તેણે બહેન અસ્મિતાને નાસ્તો બનાવી આપવાનું કહેતાં તેણી લેશન કરતી હોઇ ના પાડતાં ચડભડ થઇ હતી. આ કારણે માઠુ લાગ્યું હતું. નાનો ભાઇ ન્હાવા ગયો અને બહાર આવ્યો ત્યાં બહેનને લટકતી જોઇ હતી. ચોટીલા પોલીસે જરૂરી કાર્યવાહી કરી હતી.

(11:45 am IST)
  • છપાક જોવા પહોંચી લક્ષ્મી અગ્રવાલની પુત્રી : દીપિકાએ કહ્યું કેટલીક ફિલ્મો દિલથી કરાઈ છે : એસિડ એટેકની પીડિતા લક્ષ્મી અગ્રવાલની સંઘર્ષની કથાનક દર્શાવતી ફિલ્મ છપાક જોવા લક્ષ્મી અગ્રવાલની દીકરી પિહુ પહોંચી હતી :પિહુ અને દીપિકાએ ફિલ્મના એક ખાસ શો દરમિયાન ખુબ મસ્તી કરી હતી access_time 12:34 am IST

  • કેરલમાંથી બે ત્રાસવાદી ઝડપાયાઃ કર્ણાટકના ગૃહમંત્રી બાસવરાજા બોમાઈએ જાહેર કર્યું છે કે કેરળમાં થી ૨ શંકાસ્પદ ત્રાસવાદીઓ ઝડપાયા છે. તેમણે કહ્યું કે આ બંનેને ઉડુપી રેલવે સ્ટેશન થી પકડી લેવામાં આવ્યા છે. વિગતો મેળવાઇ રહી છે. access_time 11:51 am IST

  • બીએસએફએ કહ્યું કે ગઇરાત્રે એલઓસીને અડીને આવેલા નૌગામ સેક્ટરમાં બીએસએફ કેમ્પમાં હિમપ્રપાત થયો,ત્યાં તૈનાત બીએસએફના 7 જવાનમાંથી 6ને સુરક્ષિત બચાવી લેવામાં આવ્યા હતા,ફસાયેલા એક બીએસએફ કોન્સ્ટેબલની શોધખોળ ચાલુ છે access_time 8:26 pm IST