Gujarati News

Gujarati News

News of Thursday, 14th June 2018

કેશોદના ભીખારામ હરીયાણીના હત્યા કરનારા પોલીસને હાથવેંતમાં

મૃતકની બે દુકાનો અને જમીનનો પ્લોટ પણ પડાવી લીધેલ

જૂનાગઢ તા. ૧૪ : કેશોદના બાવાજી ભીખારામ હરીયાણીના હત્યારા પોલીસને હાથવેંતમાં હોવાનું જાણવા મળેલ છે.

કેશોદના ત્રિલોકનગરમાં રહેતા કરિયાણાના વેપારી ભીખારામ ભગવાનદાસ હરીયાણીની ગઇકાલે કેશોદમાં રેલવે ફાટક પાસે સરાજાહેર હત્યા થઇ હતી.

જેમાં મૃતકના પુત્ર કરણ હરિયાણીએ અગાઉ તેના પિતા ભીખારામભાઇ સાથે વ્યાજ વટાવનો ભાગીદારીમાં ધંધો કરતા કેશોદ પાલિકામાં વિપક્ષી નેતાના પુત્ર રાજુ ભામાભાઇ સીંઘલ, રામા ભામા સીંઘલ, દિવ્યેશ રામા રબારી, ભુપત રબારી અને બોઘો રબારી સામે હત્યાની ફરીયાદ નોંધાવી હતી.

ફરિયાદમાં જણાવેલ કે, ભાગીદારીમાં વાંધો પડતા છ માસ અગાઉ છુટા થયેલ પરંતુ રાજુ ભામા અને તેનો ભત્રીજો દિવ્યેશે અગાઉ ઘરે આવી ધાકધમકી આપી હતી.

તેમજ બે દુકાનો અને ભાગીદારીનો જમીનનો પ્લોટ પડાવી લીધો હતો.

ગઇકાલે આ મનદુઃખમાં પાંચેય શખ્સોએ ધસી આવી કારમાંથી ભીખારામ હરીયાણીને બહાર ખેંચી તેની હત્યા નિપજાવીને નાસી ગયા હતા.

સરાજાહેર હત્યાનો બનાવ બનતા કેશોદમાં સોંપો પડી ગયો હતો.

આ અંગેની જાણ થતાં એએસપી સંજય ખરાતે સ્ટાફ સાથે દોડી જઇને તપાસ હાથ ધરી હતી.

કેશોદના એએસપી સંજય ખરાતે અકિલા સાથેની વાતચીતમાં જણાવેલ કે, ભીખારામ હરીયાણીના હત્યારા પોલીસને હાથવેંતમાં છે અને આજે સાંજ સુધીમાં તમામ આરોપીને પકડી લેવામાં આવશે.

(12:42 pm IST)
  • દિલ્હીમાં હવાનું પ્રદુષણ ત્રીજા દિવસે અતિ ગંભીર સ્તરે :બાંધકામ ગતિવિધિઓ પર પ્રતિબંધ મુકાયો : લોકોને લાંબા સમય ઘરની બહાર નહીં રહેવા સૂચના:દિલ્હી એનસીઆર વિસ્તારમાં પીએમનું સ્તર 1400 માઇક્રોગ્રામ પ્રતિ ઘનમીટર જે ગંભીર સ્તરથી ત્રણગણું વધારે છે access_time 11:33 pm IST

  • ઉત્તરાખંડમાં ભૂકંપના આંચકા : તીવ્રતા ૪.૦ રિક્ટર સ્કેલ નોંધાઈ : લોકો ઘરની દોડી ગયા : ભૂકંપનું એપી સેન્ટર ઉત્તર કાશીમાં : કોઈ જાનહાની નથી access_time 12:04 pm IST

  • ભાજપના સાંસદ શત્રુઘ્નસિંહા આરજેડીની ઈફ્તાર પાર્ટીમાં પહોંચ્યા ;તેજસ્વી યાદવે પહેરાવી ટોપી : ભાજપની સહયોગી જેડીયુ દ્વારા પણ ઈફ્તાર પાર્ટી રાખી હતી પરંતુ શોટગન શત્રુઘ્નસિંહા આજે તેજસ્વી યાદવની ઈફ્તાર પાર્ટીમાં સામેલ થતા રાજકીય અટકળ શરૂ access_time 1:02 am IST