News of Thursday, 14th June 2018

વાંકાનેર પાલિકાના પ્રમુખપદે રમેશભાઇ વોરા ઉપપ્રમુખ પદે ધર્મેન્દ્રસિંહ જાડેજા બીનહરીફ

વાંકાનેર તા. ૧૪ : વાંકાનેર નગરપાલિકામાં ભાજપને સ્પષ્ટ બહુમતી સાથે પાલીકામાં શાસન કરે છે ગત ટર્મના પ્રમુખ અને ઉપપ્રમુખની મુદત પુરી થતા આજે વાંકાનેર નગરપાલિકાના મધ્યસ્થ ખંડમાં સાધારણ સભા પાલીકા ચૂંટણી અધીકારી ડેપ્યુટી કલેકટર શ્રી ખાચરના અધ્યક્ષતામાં યોજાયેલ સાથે ચીફ ઓફીસ ગીરીશભાઇ સરૈયા તથા ના.મા.બી.એસ.પટેલ ચૂંટણી પ્રક્રિયામાં સાથે રહ્યા હતા.

નગરપાલિકાના ર૮માંથી રપ સદસ્યો હાજર હતા. ૩ સભ્યો ગેરહાજર હતા પ્રથમ પ્રમુખ અને ઉપપ્રમુખની અઢી વર્ષની મુદત માટે ફોમ વિતરણમાં બન્નેમાં એક-એક જ ફોમ ઉપડેલ જેમાં પ્રમુખ પદ માટે રમેશભાઇ વશરામભાઇ વોરા અને ઉપપ્રમુખ પદ માટે ધર્મેન્દ્રસિંહ ઘેલુભા જાડેજા આમ બેજ ફોમ ભરાયા હતા. અન્ય કોઇ ઉમેદવારી પત્ર નહી ભરાતા ઉપરોકત બન્ને હોદ્ેદારોને ચુંટણી અધીકારીએ બીનહરીફ જાહેર કર્યા હતા. વાંકાનેર ભાજપના અગ્રણી નેતા જીતુભાઇ સોમાણી, મોરબી જીલ્લા ભાજપ અગ્રણીઓ હીરેન પારેખ, ઇન્દુભા જાડેજા, ચેતનગીરી ગૌસ્વામી, શહેર પ્રમુખ દિનુભાઇ વ્યાસ તેમજ નગરપાલિકાના સર્વે સદસ્યો અને ઉપસ્થિત દલીત સમાજના અગ્રણીઓએ બન્ને હોદ્દેદારોને મીઠા મોઢા કરાવ્યા હતા.

(11:30 am IST)
  • મુંબઈમાં ત્રણ દિવસ વાદળાઓ છવાશેઃ હળવો વરસાદ પડશેઃ મુંબઈમાં આજે વાદળછાયા વાતાવરણ વચ્ચે એકાદ બે જગ્યાએ હળવો વરસાદઃ કાલે સાંજે હળવો વરસાદ પડશેઃ મુંબઈવાસીઓને ગરમીમાંથી આંશિક રાહત મળશેઃ શનિવારે વાદળછાયા વાતાવરણ વચ્ચે છાંટાછુટીની સંભાવના access_time 11:30 am IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • કાલે પેટ્રોલમાં લિટરે 8 પૈસાનો ઘટાડો થવાની શકયતા ;ડીઝલના ભાવમાં કોઈ ફેરફાર નહિ થાય: પેટ્રોલ-ડીઝલના ભાવમાં છેલ્લા બે દિવસથી ભાવમાં ઘટાડાને બ્રેક લાગી હતી: કાલે શુક્રવારે પેટ્રોલમાં લીટર માત્ર આઠ પૈસાનો ઘટાડો થશે જયારે ડીઝલના ભાવ યથાવત રહેશે access_time 10:18 pm IST